Transitorooftogte: Ploftoestelle se ‘opperbrein’ vasgetrek

Foto: Verskaf.

Owerhede se pogings om ʼn einde aan die onlangse vlaag transitorooftogte te bring, verloop nou flink.

Só sê die Valke ná hulle ʼn 31-jarige man, vermoedelik ʼn opperbrein, in hegtenis geneem het vir die onwettige besit van en handel dryf met springstoftoestelle.

Brig. Hangwani Mulaudzi, woordvoerder van die Valke, het gesê die man is van Pienaar in Mpumalanga en danksy ʼn gesamentlike poging van onder meer die Valke se vuurwapenbeheer- en prioriteitsmisdaadeenheid, die bestuursafdeling vir tegniese operasies en ʼn honde-eenheid vasgetrek.

“Daar is tydens die operasie op minstens 18 opblaaspatrone, 15 ontstekers, ammoniumnitraatpille, ontstekerlonte asook kontant beslag gelê. Die verdagte word na bewering verbind met die verskaffing van springstoftoestelle [vir transitorooftogte] in Mpumalanga,” het Mulaudzi gesê.

Die verdagte sal Vrydag in die Barberton-landdroshof verskyn.

Intussen het die Valke in Kaapstad vir Vuyolwethu Xaso (31) in hegtenis geneem en aangekla van ʼn transitorooftog wat in November 2017 plaasgevind het.

Xaso, wat tans tronkstraf uitdien vir onverwante aanklagte van huisbraak en diefstal, het Dinsdag vlugtig in die Vredenburg-landdroshof verskyn. Hy het glo meer as R100 000 gesteel tydens ʼn transitorooftog waar die veiligheidswag met ʼn pistool gedreig is ná hy geld in Vredenburg gaan oplaai het.

Xaso sal 18 Junie weer in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Willie

Sluit toe, gooi die sleutels weg

Alida

Ja sluit die hele spul toe vir 50 jaar, Raak net ontslae van die plofstof voordat dit ook net hande verwissel. Mooi Valke !!!!

Liberaal

Liberale kriminele regte vegters en wetgewing gaan die honger man seker gou weer vry op straat laat om nog misdade te pleeg, hy het al soveel gepleeg maar sy vryheidsregte is mooi beskerm, die dat hy steeds so aanhou.

DAO

My vraag bly staan….Waar kry hulle die plofstof vandaan???

Joshua

Hy sal borg kry soos die ander gearresteerde transito rowers.