Transitorowers slaan buite winkel toe

G4S-geldwa (Argieffoto)

Skote het Maandagmiddag buite ʼn winkel in Bloemhof, Noordwes, geklap toe gewapende rowers op ʼn transitovoertuig toegeslaan het terwyl wagte besig was om geld op te laai.

Sers. Kelebogile Moleko, woordvoerder van die polisie, het gesê die G4S-wagte het nog die geld in die voertuig gelaai toe hulle deur vier rowers gekonfronteer is. “Die rowers het twee skote afgevuur, maar niemand is gewond nie en daar is ook nie eiendom beskadig nie.”

Die rowers het met ʼn onbevestigde bedrag kontant op die vlug geslaan.

ʼn Saak van roof word ondersoek en niemand is nog in hegtenis geneem nie.

Transitovoertuie landwyd het tot dusver vanjaar erg onder rooftogte deurgeloop, maar die minister van polisie en die nasionale polisiekommissaris het vroeër vandeesmaand aangevoer dat dié rooftogte in die voorafgaande maand aansienlik afgeneem het. Min. Bheki Cele het toe gesê transitorooftogte het in Junie met 61% afgeneem vergeleke met Mei.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

7 Kommentare

jongste oudste gewildste
Anoniem

Minister Cele Jy het te gou gesê die rooftogte is aan die afneem ???? Hulle strategie het net verander, hulle wag net tot die geld buite is, al is die Botswana plofstof deskundiges gearresteer ! Vang hulle Minister terwyl hulle ook buite is !!!!

JJ

Daar is nie veronderstel om een te wees nie Mr Cele…..

Sjoe

Alweer G4s? Ek dog die polisie het nou alles onder beheer ?

Bees

Die anc trek weer geld…..

Johan H.

Thefullie House, doen weer ontrekkings!!!