Tref-en-trap: Streeksekretaris van ANC in hof

Kathazile Tolong. (Foto: Facebook)

ʼn Streeksekretaris van die ANC in die Noord-Kaap het Dinsdag in die landdroshof in Bloemfontein verskyn ná ʼn tref-en-trap-ongeluk verlede naweek waarin ʼn jong motorfietsryer van die stad ernstig beseer is.

Kathazile Tolong (43) is op borgtog van R1 000 vrygelaat en die saak teen hom is uitgestel tot volgende maand, het Bertus Jacobs, Tolong se regsverteenwoordiger, aan Maroela Media bevestig.

Tolong het na bewering verlede Sondag omstreeks 01:00 teen Jeremy Barnard (20) op sy motorfiets gebots. Barnard het op die hoek van Nelson Mandelarylaan en Parfittlaan verby ʼn groen verkeerslig gery toe die ongeluk plaasgevind het.

Tolong het ná die ongeluk glo nie stilgehou nie.

Ondersoekers het hom Vrydag in De Aar opgespoor en in hegtenis geneem.

Hy word aangekla van roekelose en nalatige bestuur.

Barnard is ná die ongeluk in die Universitas-hospitaal opgeneem. Hy is steeds in ʼn ernstige toestand.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

56 Kommentare

jongste oudste gewildste
RINA

Groot moeilikheid …… maar die punch vat. Daardie arme man is deur hel in daardie hospitaalbed. Sterkte jong man

Riana Hellerle

Ek sal eerder sê dit was poging tot moord!

Leser

WAT??? Vrygelaat op n R1000 borg???

PJ

Sal interessant wees om te sien wat hiervan gaan word . Mnr.mos anc lid

Zettie

Lekker man lekker! Kry vir jou my maat!!!!