ʼn Trein by die Eersterivier-treinstasie in Kaapstad was Vrydag vroegoggend in vlamme gehul.
Jermaine Carelse, woordvoerder van die brandweer- en reddingsdienste in Kaapstad, het gesê hulle is omstreeks 04:50 vanoggend na die treinstasie ontbied. Slegs ʼn gedeelte van die trein was aan die brand.
Carelse sê die spoedige reaksie van die brandweerdienste van Mfuleni, Kuilsrivier en Belhar het verseker dat die brand beperk word tot die treinwa waar dit uitgebreek het en nie verder versprei het nie.
Geen passasiers was op die trein nie.
Die brand is omstreeks 05:55 geblus en die toneel is aan die Passasierspooragentskap (Prasa) oorgegee vir verdere ondersoek.
Dit is nog nie bekend wat die brand veroorsaak het nie.
Brandstigting, wat anders
Ons weet natuurlik almal wat die brand veroorsaak het. Dit hou net nie op nie
Die ou wat nog dink hier is hoop vir die land bly op n ander planeet
Werner, by God is daar altyd hoop.
Woordeloos. Onwilligheid om te red war te redde is. Dit lyk of daar diegene is wat alles wil vernietig weereens , mens kan nie van beloftes, as en oorblyfsels leef nie.
Word hierdie kriminele ooit gevang wat alles afbrand?
Begin maar by die taxi assosiasies soek om verdere kostes te vermy
Jou denkwyse moet 0 wees om altyd te wil afbrand.
Die taxi bendes brand die treine sodat hulle meer geld kan maak uit passasiers.
Die taxi bendes is in BEHEER in SA. …. en verhewe bo die wet!
Dis reg, vernietig julle vervoer. Prasa het nie geld vir nuwe een nie.