Metrorail (Foto: ANA)
Metrorail-treindienste in Gauteng het bevestig niemand is beseer toe ʼn trein Dinsdag vroegoggend naby Boksburg in Ekurhuleni ontspoor het nie.
Lillian Mofokeng, Metrorail-woordvoerder, het gesê trein 0304 was onderweg na Springs toe dit omstreeks 04:20 by die Angelo-treinstasie ontspoor het.
Volgens Mofokeng is die treinspore in albei lyne tans gesluit totdat die betrokke departement die toestand van die treinspore kan nagaan en veilig kan verklaar vir gebruik.
Dit sal egter treindienste op die roetes van Springs na Johannesburg en Daveyton na Johannesburg beïnvloed.
Mofokeng het namens Metrorail vir pendelaars om verskoning gevra vir die ongerief.
Die “gravy” trein darem nog “on track”
Dit was so koud, die drywer kon nie die stuurwiel vashou nie.
Trein loop vanself op spoor, word nie gestuur nie.
Seker nie onmoontlik dat hy moes uitswaai vir ‘n minibus of iets dergliks nie ….
En so net nog iets wat die party aan stuur van dinge opgemors het