Treinstasies kaal geplunder tydens inperking

Die Kliptown-treinstasie in Soweto ná die algehele landwye afsondering, (Photo by Michele Spatari / AFP)

Suid-Afrika se treinstasies is tydens die algehele landwye afsondering verlede jaar totaal en al verwoes toe diewe gedurende vlak 5 van die inperking enigiets van kabels tot bakstene en deure geplunder het.

Die Kliptown-treinstasie in Soweto is in puin gelê nadat plunderaars enigiets van vensters, deure tot selfs die dak van die stasie gestroop het. Sein- en elektriese kabels is ook uitgeruk en traprelings is afgesaag. Bakstene is selfs uit die mure gesteel.

“Dit is asof ’n atoombom hier gegooi is … Dit lyk asof ’n tsoenami als platgevee het,” sê die gemeenskapsleier, George Mohlala soos hy beduie na die verwoeste stasie.

Sommige inwoners herlei intussen onwettig elektrisiteit van die ongebruikte stasies na hul huise.

Die Kliptown-treinstasie in Soweto ná die algehele landwye afsondering, (Photo by Michele Spatari / AFP)

Die Passasierspooragentskap van Suid-Afrika (Prasa) sê meer as 80 % van die land se treinstasies is geplunder toe dit gedurende die algehele landwye afsondering onbeman gelaat is.

Volgens Leonard Mamatlakane, voorsitter van die Prasa-raad, beloop die skade miljoene rande. Mamatlakane erken dit was ’n fout om die stasies onbeman te laat. “Ons moes iets beter gedoen het om dit te voorkom, maar ons kon dit nie sien kom nie,” het hy aan AFP gesê.

Die minister van vervoer, Fikile Mbalula, het die plundering van die land se treinstasies toegeskryf aan ’n “ineenstorting van sekuriteit”, maar onderneem om die probleem hok te slaan deur plaaslike inwoners te werf as wagte wat deur die polisie bygestaan sal word.

“Ons is besig met herstelwerk aan infrastruktuur wat geplunder is, ” het die minister aan AFP gesê.

“Die beskerming van hierdie bates is ’n gesamentlike verantwoordelikheid wat ons almal moet dra.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

58 Kommentare

jongste oudste gewildste
Pietertjie

Red nou ‘n nasie…

Stefaan

Enige iemand met ‘n greintjie verstand sou dit kon voorsien. Hulle ken nie hulle eie mense nie.

Misky

Hoe kon hulle dit nie voorsien nie?? My 6 jarige sou hom dit kon vertel het en kyk maar net na die res van die land

Annalize

Oh wow…
Hoe het hulle nie dit gesien kom nie?
Enige iemand met n halwe breinsel sou dit kon voorspel.
Belaglik

FM

Dis nie ‘n verrassing nie.

Om op te bou wat vernielsugtigheid af gebreek het is nou ALMAL SE VERANTWOORDELIKHEID

Hierdie spul narre gooi net niksseggende woorde rond en DOEN boggerol aan die oorsaak van die verval. Sit verseker en wag dat die boere als herstel.

Ek onthou dat treinstasies ‘n jaarlikse kompetisie gehou het vir die netjiesste stasie en hulle het geblom. Die mooiste tuine sonder onkruid wat nou deesdae heuphoogte staan.

Hou dop.

BEHOLD, I MAKE ALL THINGS NEW