Trevor Noah oor Momberg: ‘Wit mense is nooit gestraf nie’

Vicki Momberg in die hof (4 April). Foto: ANA.

Vicki Momberg, die veroordeelde rassis wat vroeër tronkstraf opgelê is, se aansoek om verlof tot appèl is Woensdag in die Randburg-landdroshof uitgestel omdat haar regsverteenwoordiger siek was.

Maroela Media het vroeër berig Momberg is tot twee jaar effektiewe tronkstraf gevonnis nadat sy twee polisiebeamptes wat haar wou help die k-woord 48 keer toegesnou het.

Sy het geskiedenis gemaak as die eerste persoon in Suid-Afrika wat tronk toe gestuur is vir rassisme. Momberg is in Februarie 2016 op video vasgevang waar sy ʼn polisiebeampte, wat haar gehelp het nadat sy die slagoffer van ʼn gryp-en-spaander-voorval was, rassistiese beledigings toesnou. Sy is verlede jaar skuldig bevind op vier aanklagte van crimen injuria.

Sosiale media is intussen aan die gons oor beeldmateriaal wat agter die skerms op The Daily Show in die VSA, wat deur die Suid-Afrikaans gebore komediant Trevor Noah aangebied word, opgeneem is.

Noah verduidelik in die video die Momberg-voorval aan sy gehoor.

“Brekende nuus uit Suid-Afrika, ʼn vrou het geskiedenis gemaak toe sy die eerste persoon in Suid-Afrika geword het wat tronkstraf gekry het omdat sy ʼn rassis is. Spoiler alert – sy is wit.”

Hy sê onder meer dat mense nie tronk toe gaan vir “foutiewelike rassisme” nie. “Verbeel jou iemand sê hier [in Amerika] vir ʼn polisieman 48 keer so ʼn woord? Na my mening is hulle verdraagsame polisiemanne.”

Toe hy vir die gehoor sê dat Momberg tot drie jaar [waarvan een opgeskort is] tronkstraf gevonnis is, het hulle luid hande geklap.

“Jy moet verstaan in Suid-Afrika, toe apartheid tot ʼn einde gekom het, is wit mense nooit gestraf nie, dit was nooit soos ‘ons gaan wit mense nou tronk toe stuur, ons gaan wit mense se huise vat, ons gaan wit mense se geld vat en goed wat hulle gesteel het’ nie. Die regering het gesê ‘kom ons beweeg vorentoe, ons begin op ʼn skoon bladsy, ons beweeg vorentoe en kry die land waar hy moet wees. Die enigste ding wat ons gaan wegvat is hierdie rassistiese woord’ en nou sê wit mense hulle wil net een ding terughê – dié woord.”

Hy het gesê mense maak “of dit die moeilikste ding ooit is” om nié rassisties te wees nie.

Volgens hom sou ʼn swart persoon in Amerika voor die 15de keer wat hy ʼn rassistiese skeldnaam vir ʼn wit polisieman gesê het geskiet word.

Kyk die volledige video hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

115 Kommentare

jongste oudste gewildste
A simple man

Interesting, Mr naoh prefers to work in USA rather RSA. Enough said. His action say he does not trust RSA gov & people

Dorette van Rooyen

Trevor Noah volg duidelik die nuus selektief! Wit mense (sy woorde) is dikwels (meestal) die teiken van diefstal, grondgrype & moord. Haatspraak teen wit mense is aan die orde van die dag. Hoekom praat hy nie daaroor nie?

Eish

Mens moet dit maar neem van wie dit kom.
Mnr. Noah wat dollars verdien met sy liberale gehoor, dra geensins by om die situasie plaaslik te ontlont nie. Veel eerder verkies hy die pad van
” The sound of sirens”
Ek sal graag wou sien wat sy gehooor se reaksie sou wees indien hy die blanke Amerikaners volksmoord op die Indiane dieselfde prominensie sou gee.

Al

Trevor Noah moet pasop dat hy nie gefire word nie. Mense is nie heeldag en aldag lus om na rassistiese snert te luister nie – en dis al waaroor hy grappies kan maak.

Peet

Vervolg hom hard!!