Trok ry oor motor op N1

Die motor het onder die trok beland en is opgefrommel. (Foto: Boland Dorpe/Facebook)

ʼn Baan op die N1 tussen Laingsburg en Prince Albertweg in die Wes-Kaap was vroeg Woensdagoggend gesluit nadat ʼn motor reg van voor met ʼn vragmotor gebots het.

Die insittende van die motor is op die toneel dood nadat die motor onder die vragmotor beland het en opgefrommel is.

Die vragmotorbestuurder het ongedeerd van die voorval afgekom.

Jandré Bakker, woordvoerder van die provinsiale departement van vervoer, sê ʼn voorlopige ondersoek dui daarop dat die oorledene beheer oor die motor verloor en met die vragmotor gebots het.

“Die ongeluk het om 06:00 plaasgevind en een baan op die N1 is vir ʼn tyd lank gesluit om die toneel skoon te maak,” sê Bakker. “Die pad is sedertdien weer oopgestel.”

Die polisie, nooddienste en forensiese ondersoekers was op die toneel en ondersoek die saak verder.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

8 Kommentare

jongste oudste gewildste
Maggies

Hoe verskriklik! Dit moet bitter ontstellende nuus vir die naasbestaandes wees.

marius

Beheer verloor ?

Tipper

Moontlik het die motoris lang pad gery en vaak geword.

Sarel

Beheer verloor?…Aan die slaap geraak .
…of kon dit dalk met opset wees..net ‘n vraag

Jaco

Die opskrif se trok; die berig sê vragmotor. Sover ek weet is net die woord vragmotor korrekte Afrikaans. Trok is ‘n direkte vertaling van “truck” uit Amerikaanse Engels. Die Afrikaanse woord trok, sover ek weet, is ‘n ding waarin goedere gelaai word en wat deel vorm van ‘n trein.
My gekerm oor so ‘n kleinigheid is seker onnodig, maar ‘n nuuswebwerf wat trots Afrikaans is, behoort meer moeite te doen met korrekte Afrikaans oraloor. Die Afrikaanse taal word klaar oraloor bedreig, so dit sal regtig hartseer wees as verkeerde Afrikaans al is wat oorbly na al die diskriminasie teen Afrikaans.