Trokdrywer probeer glo springstof in SA insmokkel

(Foto: SAPD)

Die bestuurder van ’n vragmotor is Donderdag in die vroeë oggendure by die Beitbrug-grenspos tussen Suid-Afrika en Zimbabwe in hegtenis geneem nadat hy na bewering probeer het om onder meer springstof die land in te smokkel.

Kol. Moatshe Ngoepe, woordvoerder van die polisie, sê die verdagte is omstreeks 01:00 op die grenspos voorgekeer sodat die vragmotor se vrag deursoek kon word.

Daar is onder meer springpatrone en ander springstoftoebehore gevind en die vragmotorbestuurder is in hegtenis geneem.

Die verdagte was glo vanaf Zimbabwe na Alberton aan die Oos-Rand onderweg.

Dit oorsprong van die springstof is nie in dié stadium bekend nie.

Die verdagte sal na verwagting binnekort in die landdroshof in Musina verskyn op aanklagte van die besit van plofstofmateriaal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Johan

Ag vervlakt, daar gaan my springstof.

Misky

Sal baie graag wil weet wie dit “bestel” het en waarvoor dit bedoel was

Persheks Adri

Mos weer “silly season” als word geblaas! Van die ATM tot enige iets genade wat de hel nog?

Oudste

Plofstof kry jy in ‘n babatjie se doek. Wat hulle hier gekry het is springstof.

Sarel

Springstof…..Zimbabwr…..geheime besoek??