Konst. Peter Kareli, woordvoerder van die polisie, het gesê die botsing het omstreeks 21:50 Vrydagaand op die R26 tussen Bethlehem en Reitz plaasgevind. Volgens Kareli het die bestuurder van die vragmotor ʼn taxi verbygesteek waarna die vragmotor reg van voor teen ʼn motor gebots het.
Die vier insittendes van die motor is op die toneel dood verklaar. Volgens Kareli het die vragmotorbestuurder na die ongeluk van die toneel gevlug en is hy steeds soek. Hy het gesê die polisie is besig om die slagoffers se naasbestaandes te kontak. Die vragmotor is geskut.
Enigiemand met inligting kan die Bethlehem-polisie kontak by 058 307 5700.
Hoekom is trokke daarde tyd van die aand op die pad? Bestuurders hardloop gewoonlik weg wanneer hulle te veel alkohol ingeneem het.
Kry sy werkgewer in die hande. Hulle moet ‘ n copy van die persoon se ID op file hê asook sy huisadres, dan kan hulle ‘n identikiet op tv nuus sit en die drywer so opspoor.
Sal nie moeilik wees om hom op te spoor maar as hy gesuip was kan dit nie meer bewys word.