Trokke, bakkie brand naby Ermelo

‘n Trok brand Woensdag op die N2 in die omgewing van Ermelo. (Foto: Twitter)

Lede van die polisie en die weermag moes Woensdag bontstaan toe ’n betoging op die N2 in die omgewing van Ermelo in Mpumalanga gewelddadig geraak het.

Drie vragmotors en ’n bakkie (wat aan Transnet behoort) is aan die brand gesteek terwyl nog twee vragmotors beskadig is. Polisiebeamptes het ook onder die geweld deurgeloop.

Kol. Donald Mdhluli, polisiewoordvoerder, sê twee groepe is glo in dispuut oor die aanstel van werkers tydens die bou van die Merino-winkelsentrum in Ermelo. Die dispuut het op ’n gewelddadige betoging uitgeloop en betogers het die N2 versper.

Lede van die polisie se eenheid vir openbare orde is ontplooi om die situasie te ontlont. Sommige polisiebeamptes het egter beserings opgedoen toe betogers met die polisie slaags geraak het.

“Die situasie het onstuimig geraak en die vragmotors is aan die brand gesteek en sommige is beskadig.”

Die weermag is ingeroep om die polisie by te staan.

Mdhluli sê die situasie word tans gemonitor te midde van bewerings dat betogers Donderdag motoriste wil verhoed om werk toe te gaan. Dit was egter teen vroegoggend nog stil.

’n Saak van openbare geweld word intussen ondersoek. Niemand is tot dusver in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
Bokkiebek

Genade hulle is lief vir vuur – geen respek vir die feit dat dit mense se lewe kan verwoes – letterlik en figuurlik…

JM

Besit niks en verbrand dít wat nog bestaan ook – siek!

Shady

Niemand is tot dusver in hegtenis geneem nie.

Hennie J

Nog is dit die einde nie! n Hele weermag en n hele polisiemag bly te useless om our people in bedwang te hou en om privaat eiendom te beskerm. Hoed moet liefs Verulam se mense vir hulp vra.

cccp

As SA tog net ‘n industrie kon maak uit verwoesting & vernietiging – dit sou bykans al ons ekonomiese probleme oplos.