Athol Trollip, burgemeester van die Nelson Mandelabaai-metro in Port Elizabeth, is vandag tot federale voorsitter van die DA herkies.
Hy het Solly Msimanga, burgemeester van die Tshwane-metro in Pretoria, en dr. Annalie Lotriet, DA-voorsitter in die Vrystaat, geklop.
Twee van die drie federale ondervoorsitters van die party is herkies. Hulle is dr. Ivan Meyer van Kaapstad, wat ook die Wes-Kaapse LUR vir finansies is, en Refiloe N’tsheke van die Oos-Rand, wat ook die DA se nasionale woordvoerder is.
Mike Waters, die DA se adjunk-hoofsweep in die Nasionale Vergadering, is die ander federale ondervoorsitter. Hy het Desiree van der Walt, DA-LP van Tzaneen, ontsetel.
Alf Lees, DA-LP van Ladysmith, is ontsetel as tesourier. Hy is geklop deur die voormalige DA-LP dr. Dion George.
In sy afsluitingstoespraak het Maimane omvattend hulde gebring aan Trollip, en die doelwit gestel dat die DA volgende jaar die regerende party in Gauteng moet word. Hy het geen voorspelling oor die nasionale verkiesingsuitslag gemaak nie.
Mmusi Maimane is onbestrede herkies tot DA-leier.
Interessant!
EFF spoeg seker nou vuur, want hulle wou v Trollip as burgemeester in PE ontslae raak en nou DIT! Die “rede” wat hulle aanvoer is slegs sy velkleur. Hoe belaglik!
Die EFF moet groot word en verby kleur kyk. JM gaan nog hard op sy sitvlak val. Ignoreer hom net met GEEN media dekking nie dan is hy tjoepstil.
Transformasie is nog steeds op die kaarte vir die DA, dit is op die kongres bevestig.
Vertrou, bestaan daar so iets in hul woordeskat?