Tronkstraf, boetes kan kom as SA-ners nié maskers dra

Ronald Lamola (Foto: Kopano Tlape GCIS)

Suid-Afrikaners wat versuim om ’n gesigmasker te dra te midde van die Covid-19-pandemie, kan moontlik binnekort ʼn boete of selfs tronkstraf opgelê word. Die regering het Maandag op nuut ’n beroep op landsburgers gedoen om gehoor te gee aan sy pleidooi oor die dra van maskers, om te verhoed dat die kwessie moontlik later gekriminaliseer word.

Ronald Lamola, minister van justisie en korrektiewe dienste, het Maandag tydens ’n mediakonferensie van die nasionale Covid-19-bevelsraad gesê talle Suid-Afrikaners dra steeds nie gesigmaskers nie aangesien daar geen strafbepaling vir die oortreding van dié betrokke regulasie is nie.

Volgens Lamola kan die eienaars van openbare persele soos winkels of openbare vervoer tans aanspreeklik gehou word, sou een van hul kliënte nie ʼn masker dra nie. Die regering oorweeg dit egter nou om individue persoonlik aanspreeklik te hou, sou hulle versuim om ʼn masker te dra. Daar word egter nog nie onderskeid getref tussen ’n boete of tronkstraf indien individue dié reël oortree nie. Volgens die minister is die regering huiwering om die betrokke oortreding te kriminaliseer, maar oorweeg dit nietemin, sou Suid-Afrikaners nie gehoor gee nie.

Argieffoto ter illustrasie (Foto: Unsplash)

“Dit moet die norm word. Dit moet ’n verleentheid word om nié ’n masker te dra nie. Dit moet koel wees om ’n masker te dra,” het Lamola gesê.

Nkosazana Dlamini-Zuma, minister van samewerkende regering en tradisionele sake, het op haar beurt gesê Suid-Afrikaners moenie net maskers dra om ’n boete vry te spring nie, maar eerder om hulself en die publiek te beskerm.

“Ons hoop is dat niemand ooit beboet sal moet word omdat hy of sy nie ’n masker dra nie en dat niemand ooit om dié rede ’n kriminele rekord sal kry nie, juis omdat almal maskers dra.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Martie Smartie

Ag vader tog, nog n breindood kader. Eers los hulle 19 000 convicts nou wil hy onskuldige mense in die tronk stop oor maskers – dan los hy hulle seker weer oor die pandemie. Wat n helse sirkus hierdie ANC klomp

Werner

Hulle gaan nou al die moordenaars vry laat om die mense wat nie maskers dra in die tronke te stop. Een draai deur soweto en al die tronke is vol . O nie vergeet hulle sal net die blankes teiken

Marius

Boetie weet jou ma waar jy is ???? Dink jy nie jy moet jouself in elk geval met regte wette besig hou nie en ophou speel met grootmense ? Vra maar net .

Robert

Nou wa’s joune?

JJ

Tronkstraf vir nie masker dra-Is jy van jou sinne beroof? Jy sal liewer met ‘n lam dreigement kom wat onuitvoerbaar is. Watter hof gaan iemand tronk toe stuur daarvoor, waar juis die risko van besmetting nog meer is. Jou dreigement toon aan dat jy lamlendig is, en alllenlik kan regeer deur vrees in te boesem. Jy is belaglik. Ek lag vir jou. Ek sal jou graag eendag in ‘n debat wil aanpak