Tropiese storm Gombe het reeds die noordelike kus van Madagaskar getref en sal na verwagting teen Dinsdag in die Mosambiekse kanaal inbeweeg.
Volgens die Suid-Afrikaanse Weerdiens hou Gombe tans egter geen direkte bedreiging vir Suid-Afrika in nie.
Gombe sal na verwagting weens die warmer seeoppervlaktemperatuur verder versterk sodra dit in die kanaal inbeweeg. Die storm sal na verwagting teen Vrydag die intensiteit van ʼn tropiese sikloon bereik wanneer dit weer vlugtig die land oor die noorde van Mosambiek sal tref.
Dit sal egter van korte duur wees en teen Sondag behoort Gombe weer die Mosambiekse kanaal binne te gaan.
Die tropiese storm is volgens die Britse meteorologiedepartement die vyfde wat Mosambiek die afgelope ses weke tref en swaar reën word vir vandag vir die noorde van die land voorspel.
Tropical Storm #Gombe has become the fifth tropical cyclone to make landfall over #Madagascar in just over six weeks. It is bringing heavy rain to the north of the country today before emerging over the Mozambique Channel tomorrow. pic.twitter.com/axBj6TvNsM
— Met Office Storms (@metofficestorms) March 8, 2022
Die storm kan na verwagting ook swaar reën in dele van Zimbabwe en selfs Madagaskar veroorsaak.
Die SA Weerdiens hou die ontwikkeling van die storm fyn dop en sê enige verdere verwikkelinge sal bekend gemaak word.
Kan ek die volgende een se naam kies asb?
Net soos wat die ANC ook geen gevaar vir SA inhou nie. Oral word daar nog fluks gestem en gesteun en geskerm vir hulle.
Kom asseblief ! Ons het die reen bitter nodig .
Die Kalahari pryk met grasvelde en kry steeds lieflike opvolg reën. Die noorde van Limpopo smag na reën. Sal sowaar dankbaar wees.