Dit blyk dat troukoors op die skerm én agter die skerms hoog loop vir Ilse-Lee van Niekerk.
Die Troukoors-aktrise het Dinsdag aan Maroela Media bevestig dat sy en haar kêrel van meer as twee jaar, Brahm van Schalkwyk, verloof is.
Van Niekerk het dié opwindende nuus ook vroeg Dinsdagoggend op Instagram gedeel. “Een ring en heeltemal te veel sjampanje later en ek het vir my ʼn ‘verloofie’ gekry,” het sy in plasing met pragfoto’s van die paartjie gedeel.
Die borrelende blondekop vertolk tans die rol van Jessica – ’n Kaapstadse troubeplanner wat omring is deur liefde, maar wat sukkel om dit vir haarself te vind – in Troukoors.
Sy is verder ook bekend vir haar rolle in onder meer Getroud met rugby, 4 mure, Die Boekklub en Die Byl.
Verskeie bekendes, onder wie Van Niekerk se Die Boekklub– en Troukoors-medeakteur Armand Aucamp en Binnelanders-aktrise Maude Sandham het die paartjie op sosiale media gelukgewens.
Die eerste en tweede seisoen van Troukoors is tans op Showmax te sien.
Baie geluk
Verbeel ek my of is hy Liam in Binnelanders ??
Dawid Viviers speel die rol van Liam.
Nee, hy lyk net baie soos hy. Liam is David Viviers.
Baie baie geluk.