Tshwane-burgemeester se besoek aan Taiwan is hoogverraad, sê ANC

Solly Msimanga, die burgemeester van Tshwane. Foto: http://da-gpl.co.za/

Solly Msimanga, die burgemeester van Tshwane. Foto: http://da-gpl.co.za/

ʼn Onlangse besoek aan Taiwan deur Solly Msimanga, burgemeester van Tshwane, is hoogverraad en oortree die “Een China”-beleid tussen Suid-Afrika en China, het die ANC Woensdag gesê.

“Die reis ontbloot nie net die sameswering teen die BRICS-lande (Brasilië, Rusland, Indië, China en Suid-Afrika) nie, maar ontbloot ook die beperkte begrip van mnr. Msimanga oor sy rol en magte en sy begrip van die funksionering van die drie vlakke van die staat wat onderlangs verbind word en inter-afhanklik is,” het die ANC Tshwane-koukus in ʼn verklaring gesê.

“Terwyl hulle terselfdertyd kragtens die Grondwet en die wette en beleide van die land optree, kan ʼn plaaslike regering nie enigiets doen wat teenstrydig is met die wette en beleide wat deur die nasionale regering opgestel is nie. Ons beskou hierdie besoek ongetwyfeld as hoogverraad en sal met die LUR van die departement van samewerkende regering en tradisionele sake en wetstoepassers vergader oor die implikasies van hierdie besoek.”

Msimanga het diplomatieke reaksie uitgelok toe hy Taiwan se hoofstad, Taipei, besoek het en waarskuwings van die departement van internasionale betrekkinge, om nie die land by te woon nie, geïgnoreer het. Clayson Monyela, woordvoerder van die departement, het gesê die besoek is nie deur die regering goedgekeur nie en Msimanga is nie aangeraai om die land te besoek nie.

“Die Suid-Afrikaanse regering respekteer die Een China-beleid,” het Monyela bygevoeg.

Suid-Afrika se bande met Taiwan het tot ʼn einde gekom tydens oudpresident Nelson Mandela se administrasie in 1998 toe hy amptelik China bó Taiwan erken het. China en Taiwan het ná ʼn burgeroorlog in die 1940’s verdeel. Die twee lande geniet nog ekonomiese bande.

Samkelo Mgobozi, woordvoerder vir Msimanga, het die kritiek van die hand gewys en gesê die burgemeester is deur sy eweknie in Taipei genooi en hy het sy persoonlike verlof en tyd gebruik om beleggingsmoontlikhede in die land te ondersoek. “Om geleenthede vir ons mense te skep moet bó partypolitiek geag word en dit moet ʼn gesamentlike poging wees om alle geleenthede te ondersoek om ons mense uit armoede te bevry.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Johannes van Rooyen

Seker bang hulle skelm streke kom op die lappe daarom huil hulle nou

Johann

Ja nee; so kom die handakoene nou af. Die ANC sal ALS doen om hulself en veral hul pionne se doen en late te beskerm as dit kom by selfverrykende ” verhoudings” en ooreenkomste. Slefsug op sy ongesondste!

Duiwelse Advokaat

Solly Msimanga kon dalk net ‘n beter tyd gekies het en Donald Trump wat ook Taiwan waarskynlik gaan erken daar raakgeloop het tot voordeel van ons almal.

wilma

Govt stel net belang in cheap stuff uit China en as gevolg daarvan het baie SA hul werk in Tekstielbedryf verloor. SA Govt voel vere

pieter

Ag asb ANC julle doen wat julle wil los die DA uit laat hulle hul werk doen. ANC kan maak soos hulle wil ma ander nie so spring in die see.