Tugsaak teen dokter wat aborsie glo afraai wéér uitgestel

Dr. Jacques de Vos.

Die organisasie Dokters vir Lewe Internasionaal sê hy is teleurgesteld in die soveelste vertraging in die Raad vir Gesondheidsberoepe (RGB) se verhoor van dr. Jacques de Vos (32).

Die RGB kla De Vos van onetiese gedrag aan, nadat hy ʼn swanger ma meegedeel het dat haar ongebore baba ʼn mens is.

Die saak teen hom sloer al jare lank. Dit moes aanvanklik op 3 en 4 Oktober in Kaapstad hervat word, maar is nou wéér uitgestel – dié keer omdat die RGB versuim het om sekere dokumente aan De Vos se regspan te voorsien. Die dokumente is oorspronklik in Junie verlede jaar al aangevra.

Martus de Wet, De Vos se prokureur, het gesê sy kliënt moes aanvanklik in Augustus verlede jaar voor die tugkomitee verskyn het. Nadat sy regspan meer besonderhede oor die omvang van die klagte teen hom gevra het, is dit egter laat vaar. Hy is daarna weer aangekla, maar die aanklagte is kort voor die verhoor sou begin, verander en met nuwe aanklagte vervang.

De Vos was ’n intern by 2 Militêre Hospitaal in Kaapstad toe die hospitaal hom geskors het van sy ginekologie-rotasie omdat hy aan swanger ma’s gesê het dat hul ongebore babas mense is.

“Dit was volgens hulle nie ’n bewysgebaseerde medisyne nie. Gevolglik het die hospitaal, ná voltooiing van sy huisdokterskap in Junie 2017, geweier om hom af te teken, wat hom effektief belet om voort te gaan met sy loopbaan as mediese dokter,” het De Wet Maandag in ʼn verklaring gesê.

Sy regspan voer aan De Vos word gestraf selfs voor sy verhoor begin.

Die verhoor is nou na 28 Oktober uitgestel. Verskeie mediese kenners sal na verwagting tydens die verhoor getuig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

72 Kommentare

jongste oudste gewildste
Transvaalse nooi

Sterkte Dokter, ek staan agter jou

Mariaan

N ongebore baba is tog n mens??? Hoe nou anders? Ek het nog nie n vrou gesien wat geboorte gee aan n hondjie of n katjie nie??? Verstaan nie die storie nie

Jack Klok

Dis ‘n absolute skande hoe die dokter getreiter word deur mense wat hoog opgee dat die doodstraf vir moordenaars onmenslik is maar sonder om ‘n oog te knip ‘n ongebore mensie wat niemand enige kwaad aangedoen het nie en waarskynlik ook nie gevra het om verwek te word, dood te maak deur vrugafdrywing.

Die ANC regering wat hierdie skande moontlik gemaak het om fetusmoord te wettig sal nog daarvoor veraantwoording moet doen. Geen sondes word ongestraf gelaat nie.

marous

Gaan die mediese kenners getuig dat dit nie ‘n mens is nie ? Gaan werk oorsee jong man . Hier is geen toekoms nie . Dis die waarheid .

Jessica

This woman is looking for a quick money make, what does she call her baby that she carry, not a mens, well she must be having something from space then that all our pregnant mothers did not carry, we carried a mens, so sorry for her