Tuinier in hof ná moord op Limpopo-bejaarde

Mashadi Alfred Tladi kort nadat hy in hegtenis geneem is. Foto: Heritage Protection Group

Mashadi Alfred Tladi kort nadat hy in hegtenis geneem is. Foto: Heritage Protection Group

Die verdagte wat in hegtenis geneem is in verband met die moord op Pats Truter (79), wat vroeër vandeesmaand dood in die motorhuis van haar huis in Mookgophong (Naboomspruit) in Limpopo aangetref is, het voorheen vir Truter as tuinier gewerk.

Brig. Motlafela Mojapelo, woordvoerder van die polisie, het gesê Mashadi Alfred Tladi (27) het Donderdag op aanklag van moord in die plaaslike landdroshof verskyn. Mojapelo kon nie onmiddellik bevestig wanneer Tladi weer in die hof moet verskyn nie.

Maroela Media het vroeër berig Truter se buurman in Gholfpark, ʼn veiligheidswoonbuurt op die dorp, het op 3 Februarie op haar liggaam in die motorhuis afgekom nadat hy en sy vrou onraad gemerk het. Truter se hande was oor haar bors gevou en twee handdoeke en ʼn mat uit die huis is gebruik om haar liggaam te bedek. ʼn Dun nylontou, waarmee sy vermoedelik verwurg is, was nog om haar nek. Daar was geen tekens dat sy aangerand of andersins beseer is nie.

Dr. Jan Truter, Pats se seun en dominee van die Nederduits Hervormde Kerk Letsitele, naby Tzaneen, het vroeër aan Maroela Media gesê daar is niks ooglopends uit die huis gesteel nie en Pats se handsak, met kontant en bankkaarte daarin, is in die huis agtergelaat. Heritage Protection Group (HPG) het egter gesê daar is tydens Tladi se inhegtenisneming op ʼn selfoon, motorsleutels en juweliersware beslag gelê wat vermoedelik tydens die moord gesteel is.

Lees alle vorige berigte oor Pats Truter op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Uvonka

Huis en tuinwerk = DIY

Jem

Mense moet leer om minder naief te wees.

Frikkie

Uvonka, maklik om te se “DIY”. Met alle respek gestel, neem die arme dame se ouderdom in ag asb “79” volgens die berig. Moontlik net, was die buffel deur iemand verwys wat al jare vir hom/haar gewerk het

Alida

Mense kry dit in julle koppe. Nie alle tuinwerkers is moordenaars nie. Wees asb tog objektief.

olie

Ek kan iets oorkom vir mense wat net dood maak en loop weg of dit niks is nie. Dit kan my ouers wees……
Neeeeeeeeeeeeeeeeeeeeeeeeeeeeeeeeeeeeeee hou op. Here help ons mense groot asseblief