Tuinroete-strande: Regering vra nog tyd om te reageer

(Foto: SANParke/Facebook)

Die DA het die regering tot 10:00 Donderdagoggend kans gegee om die besluit te regverdig waarom strande in die Tuinroete-distrik vir die feesgety gesluit is.

Pres. Cyril Ramaphosa en Nkosazana Dlamini-Zuma, minister van samewerkende regering en tradisionele sake, is aanvanklik tot 17:00 Woensdagmiddag kans gegee om die redes te verskaf, anders sal die party die hof nader vir dringende verligting.

“Die DA het amptelike korrespondensie van die presidensie ontvang om ’n verlenging van die voorgestelde sperdatum aan te vra,” het John Steenhuisen, DA-leier, gesê.

“Die feit dat die nasionale regering meer tyd gevra het om te antwoord op ons brief, waarin redes gevra word vir die besluit om die Tuinroete se strande te sluit, toon net dat daar geen redes was om mee te begin nie. Dit wil voorkom asof enige redes wat nou verskaf word, bloot opgemaak gaan wees.”

Die DA sê hy sal voortgaan met sy hofaksie indien dit duidelik is dat die besluit om die Tuinroete se strande te sluit geneem is sonder rasionele redes en dus onwettig is, wat die DA glo die geval is.

Meer as 53 000 mense het intussen reeds ‘n petisie op Change.org onderteken om te eis dat strande in die Tuinroete en Oos-Kaap oop bly.

ʼn Dringende aansoek sal Dinsdag in die Pretoriase hooggeregshof aangehoor word oor die besluit om strande in die Tuinroete-distrik, die Oos-Kaap en KwaZulu-Natal te sluit gedurende hierdie feestyd.

Daniël Eloff, prokureur by Hurter Spies, sê die aansoek is gebring namens die Grootbrakrivier-sakeforum, Louis Cook, ’n gastehuiseienaar en voorsitter van die Gastehuisgilde van Mosselbaai, en AfriForum as derde applikant.

Die respondente is die departement van samewerkende regering en tradisionele sake, die minister van gesondheid en die premier van die Wes-Kaap.

Volgens Eloff berus die aansoek hoofsaaklik op twee bene.

“Eerstens argumenteer die applikante dat die besluit irrasioneel is weens die feit dat strande en buitelugruimtes nie ’n groot gevaar vir Covid-19-transmissies inhou nie. Tweedens, dat die besluit in die belangrike tyd rampspoedig is vir die toerismebedryf wat reeds op sy knieë is na die afgelope agt maande van die nasionale ramptoestand,” sê Eloff.

Volgens AfriForum kom die beperking van toegang tot strande, wat openbare eiendom is, neer op ’n beperking van ’n basiese mensereg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Pieter

Stem saam, daar was geen wetenskaplike redes om die strande te sluit nie. Dit gaan net oor die onteiening van jou privaatheid en menswaardigheid. Voeg daarby saam ekonomiese elende. Beter besef dat hierdie regime voluit teen ons is.

Michael

Hoekom meer tyd? As hulle seker is hul kommunistiese reels val binne die wet waarom vra vir meer tyd? Alles is mos dan wettig wat hul doen. Hulle weet dis onwettig soos die hele “lockdown” onwettig is en dan wil hulle natuurlik die proses vertraag-soos hulle altyd doen. Indien ons as burgers nie gaan saamstaan teen hierdie wegneem van ons vyhede nie gaan ons nooit weer mag gaan waar ons wil, wanneer ons wil en doen wat ons wil nie. Die volk moet net in hul massa alles ignoreer en aangaan-ongelukkig glo die meeste tans dat die kommunistiese regime hul… Lees meer »

Johan

My voorspelling– Dringend? ‘n Week later sal die saak aangehoor word. Die uitspraak sal voorbehou word en die beslissing sal bekend gemaak word op die 2e Januarie 2021. Tipies ons regstelsel wat Zuma taktiek gebruik om dinge uit te stel.

melaney

ANC sal uitstel vra tot 15 Januarie. Presies wat hulle met sigaret aankope gedoen het.

Johann

Tipies. Tussen Doffel Babbel en Bheki besluit die magsbehepte kaders laaaaaank voor hulle dink. Behalwe natuurlik as dit oor hulle self gaan, dan dink hulle hard. Gekke paradys!