Tuks ondersoek ‘wittes moet sterf’

'n Skermskoot van die Facebook-inskrywing.

‘n Skermskoot van die Facebook-inskrywing.

Die Universiteit van Pretoria (UP) het gesê hy sal bewerings ondersoek dat ʼn Tuks-student in ʼn inskrywing op Facebook gesê het die wit ras moet sterf.

Kabelo Mahlobogwane het glo in ʼn plasing op sy persoonlike Facebook-profiel gesê: “The white human race must die. We must kill white supremacy, arrogance and privilege. The time for the revolution is now. There’s only one race: the human race”.

Volgens Mahlobogwane se Facebook-profiel is hy ’n beampte vir bemarking, webbestuur en sosiale netwerk by die UP se House Docendo, asook ’n studente-laboratoriumtegnikus.

AfriForum Jeug het gesê Mahlobogwane is ook glo die leier van die EFF-studentekommando op kampus en een van die studente wat die afgelope maand by die geweld en stakings op kampus betrokke was.

Anna-Retha Bouwer, woordvoerder van die universiteit, het aan Maroela Media gesê die saak sal eers ondersoek word voordat enige verdere stappe gedoen kan word. Sy het egter bevestig haatspraak en die aanhitsing tot geweld druis in teen die gedragskode van die universiteit en kan tot dissiplinêre stappe lei.

Jaco Grobbelaar, AfriForum Tuks se koördineerder, het gesê die organisasie eis dat Mahlobogwane dissiplinêr en strafregtelik aangekla word. “Indien dit nie gebeur nie, sal AfriForum Jeug ’n klag by die Menseregtekommissie teen Mahlobogwane en die universiteit indien sodat die saak verder ondersoek word,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
Kaspaas

Swart op wit rassisme word nie erken nie so niks sal gebeur nie.

PJ

de klerk de klerk en kie waar is julle ?Vra net is dit nie nou rèrig tyd dat jy kom met jou “magic”WIGTE EN TEENWIGTE!!!!!!! Toe asb julle kom nou

Candice

Dankie AfriForum Jeug! Dis reg vat hul vas.

cv

wat vir my snaaks is toe die blackface saga begin het was daai twee dames dadelik geskors sonder om eers n ondesoek in te stel nie. die een se reguit dat blanke mense moet sterf wat in my oe rasisme is en erge haatspraak, en dit sal eers ondersoek word??? wat is daar om te ondersoek? dit is op wit en swart!!!!!

cv

WENS HUL DIE STAPPE GENEEM HET SOOS DAAI TWEE DAMES MET HUL PERSGESIGGIES. MAAR DIE IS NIE RASISME OF HAATSPAAK NIE IS VRYHEID VAN SPRAAK.