Tumi Morake veroorsaak weer herrie met uitlating

Tumi Morake. Foto: Facebook

Die komediant en radio-aanbieder Tumi Morake is weer in die sop.

Morake het tydens ʼn episode van Comedy Central se Roast Battle-reeks op DStv-kanaal 122 vir medekomediant Schalk Bezuidenhout gesê, “Want jy is twee p**sklappe weg van Down-sindroom b***h”.

Dié episode is glo al verlede jaar opgeneem en vroeër vanjaar uitgesaai, met ʼn herhaling wat nou in Desember weer uitgesaai is. Morake het intussen op Facebook om verskoning gevra vir die uitlating nadat talle mense, insluitend ouers met kinders wat Down-sindroom het, daaroor gekla het.

“Ek vra onvoorwaardelik om verskoning vir my uitlatings. Ek keur op geen manier diskriminasie of onkunde rondom mense met Down-sindroom goed nie. Ek hoop dat die ouers van kinders met Down-sindroom en mense wat met Down-sindroom leef dit in hul harte sal kan vind om my te vergewe.”

Morake het gesê sy sal enigiets doen om dit reg te stel. “Ek het nie bedoel om skade te doen nie, en ek besef hoe seer, ondenkbaar, skadelik en onkundig dit was.”

Volgens berigte is Morake by die Uitsaaiklagtekommissie verkla. Dit is nie die eerste keer dat Morake in die sop is oor uitlatings wat sy gemaak het nie. Die kommissie het 55 klagtes ontvang in verband met uitlatings wat Morake op 12 September gemaak het as mede-aanbieder van die ontbytprogram op JacarandaFM.

Morake het tydens die ontbytprogram op 12 September wit mense met boelies op die speelterrein vergelyk. Morake het in reaksie op die kritiek teen haar uitlatings gesê sy staan daarby en vra nie daarvoor om verskoning nie.

Die kommissie het die klagtes teen Morake van die hand gewys. Die klaers het onder meer aangevoer dat Morake se uitlatings rassisties was en neergekom het op haatspraak en aanhitsing om leed te veroorsaak. Daar is aangevoer Morake het wit Afrikaners diewe en boelies genoem en dat sy vir vergelding gevra het.

Dirk Hermann, bestuurshoof van Solidariteit, het in reaksie hierop gesê die woede van mense was oor dubbele standaarde in die gemeenskap. “Morake se uitlatings het in ʼn groter sosiale konteks plaasgevind waar wittes voel dat daar geduld is oor opmerkings met rasondertone deur swart Suid-Afrikaners, maar wit Suid-Afrikaners se opmerkings sal oordrewe opgeblaas word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

128 Kommentare

jongste oudste gewildste
Angelique Stols

Dus omdat sy die voroge keer daarme weggekom het. Nou dink sy sy kan se net wat sy wil. En maar net weer jammer se. Siek. Siek siek siek.

Amanda Borrett

Ek verstaan die “poetic license” van komediante maar moet sê die “roasts” is nou net ‘n forum om mense te vloek en te beledig en ek vind dit glad nie eers vaagweg snaaks nie. En hierdie meisiekind is in elk geval glad nie snaaks nie. Sy moet eerder ‘n werk doen waar sy glad nie praat nie. Miskien iets soos ‘n ” stenographer”

Anoniem

Hoekom kom sy weg met haar uitlatings. As ek dit vir haar sou se het ek in die tronk geslaap.
Dit is wat ons as witmense omkrap. Die swartman en vrou kan uitlatings maak wat onvanpas is en kom niks oor. Asseblief iemand doen iets.

Johan

Ag shame sys soos n 2 jarige wat te veel bederf is en aandag soek,en altyd haar sin kry. As su n tantrim gooi.Kan iemand haar asb leer om volwasse te word…….

Johan du Toit

Dis darem maklik om net om verskoning te vra en niks gebeur met jou nie. Ek dink aan blankes wat voor die hof moes draai oor uitlatings en die merrem kom elke keer weg daarmee! Demokrasie se m..r!!!!