Argieffoto van die Tshwane Universiteit van Tegnologie
Akademiese bedrywighede by die Tshwane-Universiteit vir Tegnologie (TUT) se Pretoria-kampus word Woensdag hervat.
Willa de Ruyter, woordvoerder van TUT, sê die bestuur het Dinsdagmiddag suksesvol met studenteleiers vergader en besluit om akademiese aktiwiteite Woensdag voort te sit.
Akademiese aktiwiteite aan dié kampus sou Maandag al hervat het, nadat dit verlede week opgeskort is weens gewelddadige studentebetogings. Betogings is egter Maandag hervat en die Pretoria-kampus was teen Dinsdag steeds gesluit terwyl akademiese aktiwiteite op TUT se ander kampusse wel die oggend voortgesit is.
De Ruyter sê die situasie op alle kampusse gaan deurlopend gemonitor word om die studente se veiligheid te verseker.
So die studente besluit nou wat moet wanneer gebeur wat n siek land danksy FW en vriende
Tot volgende keer.
Sluit alle kampusse sommer permanent toe.
Weet in elk geval nie wat meerderheid daar soek nie.