TUT sny bande met Israel

Vlag van Israel (Foto: PublicDomainPictures, Pixabay)

Die Tshwane Universiteit van Tegnologie (TUT) het amptelik alle bande met Israel gesny.

“Die raad van die Tshwane Universiteit van Tegnologie het beslis dat TUT nie enige bande sal smee met die staat Israel of enige van sy organisasies of instansies nie,” het prof. Rasigan Maharajh, TUT-woordvoerder oor die kwessie, Woensdag aan die African News Agency gesê.

TUT het op 7 Desember in ʼn verklaring gesê: “As ʼn progressiewe universiteit in ʼn demokratiese Suid-Afrika wil ons bevestig dat TUT nie enige ooreenkoms sal onderteken of enige vennootskap sal aangaan totdat Israel sy onwettige besetting van Palestynse gebied beëindig nie.

“Die universiteit sal nie staan en toekyk en die oortredings van die Israelse regering aanvaar terwyl Palestynse kinders en jeug se bewegings in hul eie land en hul toegang tot onderwys beperk word deur hul skole te vernietig nie,” lui die verklaring.

TUT se persverklaring volg ná ʼn resolusie deur die raad op 24 November wat gesprekke en debatte van verskeie fakulteite en die senaat in ag geneem het. TUT se standpunt oor Israel is in Mei ook geformuleer. Maharajh was een van die outeurs.

“As ʼn ‘universiteit vir die mense’ staan saam met die Universiteit van Johannesburg en progressiewe Palestynse en Israelse akademici om die internasionale gemeenskap aan te moedig om deurgaans alle akademiese instansies in Israel te boikot as ʼn bydrae tot die stryd om Israel se onwettige besetting en apartheidstelsel te beëindig,” het Maharajh bygevoeg.

“Die regering van Suid-Afrika moet ook standpunt inneem om die mense se geroep te hoor en die gewelddadige en voortgesette besetting van Palestina te veroordeel,” het hy gesê.

Israel se adjunkambassadeur in Suid-Afrika, Ayallet Black, het egter aan ANA gesê TUT se besluit is ʼn verrassing. “As ʼn land wat trots is oor sy vryheid van akademie, godsdiens en ʼn diverse samelewing met universiteite wat van die top-200 in die wêreld beskou word, is ons verras dat TUT as ʼn akademiese instelling ʼn basiese beginsel van kommunikasie en samewerking gesluit het.”

Suid-Afrika se veroordeling van Israel is aan die toeneem. Een van die omstrede kwessies wat tydens die ANC se nasionale konferensie van 16 – 20 Desember in Gauteng bespreek gaan word, is die moontlike afgradering, of selfs sluiting, van die Suid-Afrikaanse ambassade in Israel.

TUT se besluit om alle bande met Israel te sluit volg ná die sterk veroordeling van die Suid-Afrikaanse regering en verskeie politieke en menseregteorganisasies oor die land heen van die Amerikaanse president Donald Trump se besluit om die Amerikaanse ambassade van Tel Aviv na Jerusalem te skuif en die oorweging om Jerusalem te erken as die hoofstad van Israel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

29 Kommentare

jongste oudste gewildste
Andte Jacobs

Tipies Suid Afrika. Maar niks word gesê oor die agteruitgang van die hele Afrika nie?? Maar, dit is hulle verlies. Ag siestog, wie is hulle nou eintlik?

Anita

Ja Amen. Dankie my kind studeer nie daar nie

Ekke

My wereld!! Ek twyfel sterk of Israel hulle aan TUT sal steur! Weet hulle van TUT?

willie

Eindlik lagwekkend asof Israel hulle nodig het of dit enigsins sal agterkom!

Ivor

Lees / Google gerus “Now the end begins” Geoffrey Grider of “End times Ministeries” Irvan Baxter. Donald Trump is ons man. Hy skud die wereld. Jesus Kom! Maranata!