TV-lisensies vir tablette en slimfone dalk SA se voorland

tablette-skootrekenaars-slimfone-blogger

Foto: Unsplash/Pixabay.com

Die SAUK wil hê die Uitsaaiwet moet sodanig verander word dat dit Suid-Afrikaners sal verplig om TV-lisensiegelde te betaal vir toestelle soos tablette, rekenaars en slimfone.

James Aguma, waarnemende uitvoerende hoof van die SAUK, het die parlementêre portefeuljekomitee vir kommunikasie Woensdag in Kaapstad van die openbare uitsaaier se jaarlikse korporatiewe en prestasieplanne ingelig.

Hy het volgens berigte erken die SAUK staar ʼn finansiële krisis in die gesig: “Ons sal radikale veranderinge moet maak aan hoe die uitsaaier bestuur word net om te verseker dat ons uit hierdie situasie kan kom.”

Die SAUK het homself gereed gemaak om vanjaar ʼn veel laer inkomste uit televisielisensiegeld te in en wil veranderinge aan wette aanbring om dit “verpligtend te maak vir mense om ʼn TV-lisensie te betaal vir alle toestelle waarop op hulle inhoud kan sien”.

Aguma het verder gesê die verandering in mense verbruik van televisie-inhoud het verdere druk op die SAUK geplaas terwyl die uitsaaier reeds die druk van die moeilike ekonomiese tye ervaar. Tans moet Suid-Afrikaners slegs ʼn TV-lisensie betaal vir toestelle wat ʼn TV-sein kan ontvang. Dit sluit toestelle soos rekenaarmonitors uit.

Video-op-aanvraag, digitale uitsendings en video-inhoud wat op ander toestelle besigtig kan word, het volgens Aguma só skerp toegeneem dat miljoene Suid-Afrikaners nou eerder televisie-inhoud op rekenaars, skootrekenaars, slimfone en tablette volg. Hy meen dat as die Uitsaaiwet gewysig kan word dit die SAUK se potensiaal om lisensiegelde in te vorder sal vergroot en op dié manier die broodnodige inkomstestroom vir die openbare uitsaaier sal aanvul en verhoog.

Hy het ook erken dat ʼn paar van die openbare uitsaaier se kommersiële radiostasies ʼn afname in luisteraargetalle getoon het nadat daar besluit is om strenger beleid rondom plaaslike inhoud toe te pas. Die voormalige en omstrede bedryfshoof van die SAUK, Hlaudi Motsoeneng, het ʼn beleid ingestel waarvolgens 90% van die musiek wat op radiostasies gespeel word plaaslik moet wees en 80% van alle televisie-inhoud plaaslik vervaardig moet word.

Aguma het gesê Good Hope FM, Metro FM en 5FM, asook die SABC3-televisiekanaal het ʼn drastiese daling in luisteraars en kykers getoon.

“Ons het gevind dat die openbare uitsaaier se swak reputasie direkte aanleiding daartoe gegee het dat kykers nie graag hulle TV-lisensies wil betaal nie. Die SAUK se reputasie het adverteerders ook tot ʼn mate afgeskrik,” het Aguma gesê.

Die SAUK het verlede jaar ʼn netto verlies van R411 miljoen getoon. Die parlement het in Maart ʼn verslag aangehoor waarin die ouditeur-generaal R5,1 miljard se onreëlmatige uitgawes geïdentifiseer het

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

86 Kommentare

jongste oudste gewildste
Elsa

dis snert…en dra geen gewig….ons kan nie kndtaan vir SAUK se verliese nie

lw

Hoe lekker lag ek nou! Dis absurd – die staatsondernemings is soos parasiete wat nooit genoeg geld sal hê nie!
Wat van die miljoene mede landgenote wie glad nie betaal nie, is die tv beamptes bang hul word met klippe bestook!
Ons belastingbetalers sal baklei daarteen, ons melkkoei het nou net poeiermelk.

WL

Nou hoe gaan hulle bewys ek kyk SABC op my foon? Nie dat ek dit ooit sal doen nie bygesë.

REGTIG?

Sodra dit gebeur gooi ek maar my Samsung weg en kry ‘n ou Nokia 3310. Die SAUK sal regtig bankrot raak as hulle so mal wil wees. Dis juis a.g.v die plaaslik vervaardigde inhoud dat hulle so sleg doen!

Keelvol

Ek is nou wragtig nie snaaks nie, maar nou raak die SAUK heeltemal van hulle trollie af. Wil die staat maar nie net elke maand ons hard verdiende geld vat vir al die crap idees waarmee hulle vorendag kom. Hulle is die mense wat aanjaag en hulle self verryk en ons moet net ons monde hou en betaal. Wys my een SAUK werker wat vir dit sal betaal. Maak my gatvol en keelvol. klomp clowns weet nie meer hoe om geld by mekaar te maak na alles in hulle sakke gedruk is.