Twee 17-jariges vasgetrek vir moord op ‘verkragter’, ma

Argieffoto

Twee tienermeisies (albei 17) is in Limpopo in hegtenis geneem vir twee onderskeie aanklagte van moord.

Lt.kol. Moatshe Ngoepe, woordvoerder van die polisie, het gesê in die eerste geval is die meisie (17) in hegtenis geneem vir die moord op ʼn 21-jarige man in die Sofaya-nedersetting omstreeks 01:00 vanoggend.

“Die verdagte was na bewering op pad na ʼn kuierplek toe ʼn man haar wou verkrag. Sy het terugbaklei, hom oorrompel, ontwapen en doodgesteek,” het Ngoepe gesê.

Die man is later langs die teerpad gevind toe hulle patrolliewerk in die omgewing gedoen het. Hy het verskeie steekwonde oor sy lyf gehad.

“Die verdagte het haar aan die polisie oorgegee Sondagoggend en sal Maandag in die Lenyenye-landdroshof verskyn,” het Ngoepe gesê.

Die polisie se ondersoek duur voort.

In Thohoyandou is nog ʼn 17-jarige intussen in hegtenis geneem vir die moord op haar ma (60) in die Tshivhungulu-nedersetting.

“Die ma het na bewering met die dogter geraas omdat sy nie skool bygewoon het nie. Die verdagte het haar ma oorrompel, geskop en daarna gelos waar sy op die grond lê,” het Ngoepe gesê.

Die vrou is na die hospitaal geneem, maar het later aan haar beserings beswyk. Die voorval het 6 Junie omstreeks 16:00 plaasgevind. Die verdagte sal binnekort in die Thohoyandou-landdroshof verskyn.

Die polisie het bygevoeg dat ouers hul kinders moet oppas en byvoorbeeld nie toelaat dat hul 17-jariges alleen in die aand na ʼn kuierplek toe stap nie. “Dit is totaal onaanvaarbaar.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

13 Kommentare

Drikus ·

Maroela, hou ons asb op hoogte rakende die eerste meisie. Sy behoort nie in hegtenis geneem te gewees het nie. Die ou het bloot sy moses teengekom en sal nou nie weer iemand kan probeer verkrag nie.

Ek stem ·

Ek stem saam jou. Verder kook my bloed as die Polisie sê kyk dat jou 17 jarige nie klub toe gaan nie wat reg is hul moetie, maar al was sy 18…… sou die man dit nogsteeds probeer het en dit is die punt, dit wat hy wou doen is verkeerd. Ek is trots op jou meisie dat jy jou man gestaan het en die gemors kan nooit weer n meisie of vrou se lewe verwoes nie.

MissDemeanor ·

Drikus, ek hoor wat jy se ja. Maar dit klink of die meisie nie onmiddelik polisie toe gegaan het nie. So die polisie moet seker maak dat sy die waarheid praat en hom nie vir ‘n ander rede doodgemaak het nie. Sal gaaf wees as Maroela Media ons op hoogte hou.

oumie ·

Omw het eerste een moeilikheid verwag dat sy bewapen was of het sy sy wapen afgevat? Tweede een ek hoop jy vrot in die tronk

Cacophony ·

Oumatjie in vandag se sieklike wêreld moet die girls hulself beskerm moeilikeid kom soek hulle. Mooi vir die girl sy verdien ‘n nobel.prys!

Lees ·

Oumie, ontwapen beteken sy het die wapen by hom gevat… Dit staan mooi in die berig geskryf

Cacophony ·

Wonderlik weereens word die girl veroordeel. Waar kom jy daaraan dat dit vir geld was? Dis belaglik om altyd die slagoffer te blameer altyd verskoning te maak vir die lamsakkige mans wat net nie hulself in toom kan hou nie. Wat het geword van vryheid van beweging

Vicky ·

Ek sien nie hoe kan die polisie versoek dat ouers hulle kinders belet om in die nag in die strate rond te le, as n ma doodgeskop word oor sy waag skool bywoning aangespreek het nie. Dit is te gek vir woorde.

Mari Krige ·

Hierdie berig se opskrif is rerig baie swak. dit maak nie sin nie.

Se maar net ·

17 jarige 1:00 oppad na ‘n nagklub, ek is dankbaar sy kon hom oorrompel maar sy kort steeds ‘n goeie drag slae!!! Tweede een, ek hoop hulle gooi die sleutel weg!

Retha Homann ·

Die eerste meisie het my innige simpatie. Sy hoort nie in ‘n tronk nie, dit was plein selfverdediging. Ek sou dieselfde gedoen het.

Sue ·

Hoekom word gewaarsku dat die kind nie alleen kuierplek toe moet gaan nie, is die polisie dalk bang meer verkragters mag sneuwel. Wel gedaan, net jammer sy staan nou tereg op aanklag van moord.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.