Twee verdagtes, onderskeidelik 31 en 33 jaar oud, is in hegtenis geneem in verband met die besit van vermoedelik gesteelde diesel en op aanklag van die peuter met en beskadiging van noodsaaklike infrastruktuur.
“Beamptes van Fidelity Security het Woensdag die pyplyn in die Vrede-distrik in die Vrystaat patrolleer toe hulle ʼn verdagte bakkie en ʼn klein tenkwa opgemerk het,” het ao Lynda Steyn, woordvoerder van die direktoraat vir prioriteitsmisdaadondersoeke (die Valke), gesê. “Die veiligheidswagte het die voertuig agtervolg en die verdagtes het weggejaag toe hulle besef hulle word agtervolg.”
Die veiligheidsbeamptes het hulle agternagesit en die tenkwa het omgeslaan. “Die twee verdagtes het in die veld ingehardloop, maar die beamptes kon hulle voorkeer.”
Beamptes het beslag gelê op die bakkie, die tenkwa vol diesel en ʼn lang geel pyp wat in die pyplyn gevind is wat gebruik is om die diesel te dreineer.
Die Valke stel verder ondersoek in.
Dis sabotasie…swaarste straf moontlik.
Nee waar gaan hulle,hulle broers straf dis dan deel van hulle(korrupte planne)