Twee beamptes van bende-eenheid self vas

Foto: SAPD

Speurders van Kaapstad se bende-eenheid het twee van hul eie beamptes in hegtenis geneem.

Kapt. FC van Wyk, woordvoerder van die polisie, het gesê die twee beamptes is in hegtenis geneem ná ʼn ondersoek oor beweerde diefstal nadat die polisie se bende-eenheid ʼn klopjag in Mitchells Plain uitgevoer het.

Twee konstabels, ʼn 35-jarige man en 38-jarige vrou, is in hegtenis geneem en word daarvan beskuldig dat hulle geld gesteel het by ʼn huis in Peugeotstraat in Beacon Valley toe die eenheid op 29 November die huis deursoek het.

Foto: SAPD

Die klaer het ná die soektog besef daar is geld uit sy kluis gevat en ʼn saak by die polisie aanhangig gemaak. “Daar word ook beweer die beamptes het die klaer op 2 Desember genader en hom versoek om die saak terug te trek in ruil vir die gesteelde geld.”

Volgens Van Wyk sal die twee beamptes in aanhouding bly tot hul Vrydag in die Mitchells Plain-landdroshof op aanklag van diefstal sal verskyn.

Lt.genl. Khombinkosi Jula, provinsiale polisiekommissaris, het gesê die polisie sal nie toelaat dat daar korrupsie deursyfer in die eenheid nie. “Geen polisiebeampte is bo die wet verhewe nie en ons sal geensins toelaat dat enige lede ʼn misdaad pleeg en daarmee wegkom nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
mc

Alles gaan oor “instant gratification”, oortuig my asseblief dat die mense se bedrading dieselfde is as ander om hulle wat verder as die NOU kan dink en die nagevolge van hulle aksies kan sien. Asseblief oortuig my.

waarheid

Korrup tot op die been – die hele lot van hulle.

Maljan

Viva bbbee!!!!

LM

Wil jy nou meer!!!!!

Annelize

Teen die trant wat die Polisie deesdae hulle eie mense in hegtenis neem (en ek glo dis net die puntjie van die ysberg), gaan die Polisie binnekort met grootskaalse indiensneming moet begin. Die polisie los dalk die werkloosheidsprobleem van SA op, sal DIT nou nie ‘n pluimpie vir hulle wees nie!