Twee beseer in skietery in Randburg

(Argieffoto)

Twee mans is Maandagoggend beseer tydens ʼn skietvoorval in Windsor, Randburg in Gauteng.

Russel Meiring, woordvoerder van ER24, het gesê die skietery het op die hoek van Louise en Judgesrylaan plaasgevind. “Paramedici het omstreeks 11:00 by die toneel opgedaag. Plaaslike owerhede was reeds op die toneel.”

ʼn Wetstoepassingsbeampte en die manlike bestuurder van ʼn vragmotor, wat agter sy voertuig gelê het, is in die voorval gewond.

“Paramedici het die mans ondersoek en bepaal die beampte het ʼn skietwond in sy bobeen opgedoen. Die vragmotorbestuurder is in die skouer getref.”

Die mans is na ʼn nabygeleë privaat hospitaal geneem vir verdere behandeling.

Plaaslike owerhede stel verder ondersoek in.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.