Twee beseer in vliegongeluk

Twee mans is beseer nadat hulle ligte vliegtuig Saterdagoggend langs die R59 naby Henley-on-Klip, Meyerton neergestort het.

Santi Steinmann, woordvoerder van Netcare911, het gesê die vliegtuig het in ʼn veld langs die pad neergestort. Twee mans het ernstige beserings opgedoen en is op die toneel behandel voor hulle na ʼn nabygeleë hospitaal vervoer is vir verdere mediese sorg.

Die oorsaak van die ongeluk is nog nie bekend nie en word deur die Burgerlugvaartowerheid ondersoek.