Twee persone is beseer toe hulle by die Karkloof-valle in die KwaZulu-Natalse Middellande geval het.
Paramedici is omstreeks 16:00 na die toneel ontbied, het Shawn Herbst, woordvoerder van Netcare 911, gesê. “ʼn Man en ʼn vrou, albei in hul 30’s, het by die klein waterval afgeval. Albei pasiënte is uit die water gehaal deur ʼn lid van die publiek wat hulle sien val het.”
Die man het ernstige beserings opgedoen en die vrou het matige beserings opgedoen. “Albei is na ʼn hospitaal geneem vir verdere behandeling.”
Die betrokke owerhede was op die toneel om verder ondersoek in te stel.
Sterkte ! Dit moes baie seer gewees het ! ???