Foto: ER24
Twee mans in hul 30s is Donderdagmiddag ernstig beseer toe ʼn muur in Constantia, Kaapstad ineengestort het.
“Die bouers is op die toneel behandel voordat hulle na Victoria-hospitaal geneem is vir dringende mediese behandeling,” het Luyanda Majija, woordvoerder van ER24, in ʼn verklaring gesê.
Die mans het glo aan die 2 meter hoë muur gebou toe dit ineengestort het.
Die voorval word ondersoek.
