Twee mans is Donderdag tydens ʼn ontploffing by ʼn vulstasie in Newcastle, KwaZulu-Natal, beseer.
Russel Meiring, ʼn woordvoerder van ER24, het Vrydag gesê die mans het glo in ʼn ondergrondse brandstoftenk gewerk toe die ontploffing plaasgevind het. Die vulstasie is op die hoek van Allen- en Hardingweg geleë.
“Een man is kritiek beseer,” het Meiring gesê. “Albei is op die toneel gestabiliseer en na die Medi-Clinic in Newcastle geneem vir verdere behandeling.”
Die oorsaak van die ontploffing is nog nie bekend nie.
Kapt. Thulani Zwane, ʼn polisiewoordvoerder, het die voorval bevestig, maar gesê daar was teen Vrydagoggend nog nie ʼn saak by die polisie aanhangig gemaak nie.
OPLEIDING…Opleiding… n Gebrek daaraan is fataal. Sterkte aan die beseerdes.