Twee Bfn-mans vas oor dwelms

Foto: SAPD/Facebook

Foto: SAPD/Facebook

Twee mans is Sondag in Bloemfontein in die Vrystaat in hegtenis geneem op aanklag van dwelmhandel.

Sers. Fikiswa Matoti, woordvoerder van die polisie, het gesê die twee mans, onderskeidelik 22 en 39 jaar oud, is in Brandwag naby die Mimosa-winkelsentrum in hegtenis geneem. Volgens Matoti is polisiebeamptes na die 39-jarige verdagte se huis in Bainsvlei waar hulle op ’n dwelmlaboratorium afgekom het.

Matoti het gesê die beamptes het op verskeie dwelms waaronder Kat, tik en rou chemikalieë beslag gelê. Die straatwaarde van die dwelms is glo sowat R2 miljoen. Die polisie het ook op 660 verskillende tipes ammunisie beslag gelê.

Volgens Matoti sal die verdagtes binnekort in die Bloemfontein-landdroshof verskyn op aanklag van dwelmhandel. Die 39-jarige verdagte sal ook teregstaan op aanklagte van die vervaardiging van dwelms en die besit van ammunisie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Hein ·

Stuur die boodskap. Dwelms gebruik 15 jaar sonder parool, Dwelm handelaar 25 jaar sonder parool.

Piet Pompies ·

Met ‘n onlangse besoek aan Bloem het familie ons gewaarsku dat sekere areas in stad taboe is agv dwelms, misdaad en geweld.
Wees skoon en bly weg van die gemors

Miemie ·

660 VERSKILLENDE AMMUNISIE????? Ek vir een het nie eers geweet Suid Afrika besit soveel verskillende Ammunisie nie…

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.