Twee persone is by OR Tambo Internasionale Lughawe in hegtenis geneem nadat doeanebeamptes twee sakke met 10 renosterhorings met ʼn geraamde waarde van R4,99 miljoen onderskep het.
Sandile Memela, woordvoerder van die Suid-Afrikaanse Inkomstediens, het Maandag gesê die beamptes het Sondag beslag gelê op die renosterhorings wat 24,96 kg weeg.
“Doeanebeamptes het ondersoek ingestel oor ʼn verdagte sak wat hulle gelei het na ʼn tweede sak wat afgelaai is uit die vrag van ʼn vliegtuig onderweg na Turkye. Die inhoud is deursoek en daar was vier renosterhorings in een van die sakke en ses in die tweede sak,” het Memela verduidelik.
“Twee passasiers en hul bagasie is aan die Suid-Afrikaanse Polisiediens oorgegee vir verdere ondersoek. Die SAID bedank die doeanebeamptes vir hul fokus, dissipline en harde werk. Ons is baie trots op die toewyding van doeanebeamptes om te verhoed dat onwettige dwelmmiddels en ander goedere die land binnekom of verlaat.”
Hy het gesê die SAID sal steeds met alle belanghebbendes op alle grensposte saamwerk om die land en sy burgers te beskerm teen georganiseerde misdaad.
Die twee persone sal na verwagting binnekort in die hof verskyn.
Sjoe! Laat ek sommetjie maak:
Dis R500 000 per horing (renoster) oftewel R200 000 per kg.
Ek kan dit nie glo nie. Het ek reg uitgewerk?
Geen wonder dat renosters so gestroop word. Dan is daar ook nog leeus, olifante ens. Dit alles oor ‘n siek oosterse geloof van muti.
Gemode-reer? Vir?
Kan die SAP in waarheid en sekerheid vir ons inlig wat word van al die gekonfiskeerde renosterhorings en dwelmmiddels asook vuurwapens.
Hoop hulle kry wat hul toekoms.
Daar is nog 4 smokkelaars in Honkong gevang toe hulle van OR Thambo soontoe gevlieg het. Wonder net hoe het hulle deur ons grensposte gekom met die horings? Dalk n inside job of van hoog bo af?
Wat beteken ‘ges6e’ (par.2)? Kan iemand vir my uitwerk wat is die prys R/renoster of R/kg?
Dagsê Houtoog,
Dakie vir jou kommentaar. Lyk my jy kan jou naam van ‘houtoog’ na ‘valkoog’ verander! Dankie dat jy ons op die fout gewys het, die berig is gewysig.
Groetnis
Janie nms. Maroela Media
Janie, NOU soek ek moeilikheid met jou want in jou antwoord gebruik jy ‘dakie’ i.p.v. ‘dankie’. Alles met ‘n tikkie (hu)mor . . .
Groetnis.
Dagsê Houtoog,
Ai, daar vang jy my weer uit. My vingers wil te vinnig tik!
Groetnis
Janie nms. Maroela Media
Janie, dis die probleem met intelligente mense, die vingers bly agter met skryf- en tikwerk. Ek het (gelukkig?) nie daardie probleem . . .