Twee mense is in die ongeluk dood. (Foto: Ekurhuleni-metroraad)
ʼn Vrou en ʼn tienerseun is dood nadat hulle reg van voor teen ʼn vragmotor vasgery het.
Die ongeluk het Vrydagmiddag op Ou Pretoriaweg in die nywerheidsgebied in Olifantsfontein gebeur, het die Ekurhuleni-metroraad gesê.
Die vragmotorbestuurder het geringe beserings opgedoen.
Die Toyota Yaris was met nooddienswerkers se aankoms omstreeks 17:00 onder die vragmotor. Albei insittendes was in die wrak vasgekeer en het geen tekens van lewe getoon nie.
(Foto: Ekurhuleni-metroraad)
Nooddienswerkers moes hidrouliese toerusting inspan om hulle te bevry.
“Paramedici het albei ongelukkig op die toneel dood verklaar,” het die metroraad gesê.
Die polisie ondersoek die oorsaak van die ongeluk.
dis regtig tragies, sterkte aan familie
So hartseer. Was spoed weer die oorsaak? ????