Twee mense is vroeg Sondagoggend dood nadat die motor waarin hul was gerol en toe glo ontplof het in Benoni aan die Oos-Rand.
Chitra Bodasing, woordvoerder van ER24, het gesê die bestuurder van die motor het glo beheer verloor voordat die motor glo ʼn lamppaal getref, gerol en ontplof het.
Bodasing het gesê met paramedici se aankoms op die toneel was die motor in ligte laaie. Brandbestryders het die brand geblus. “Ongelukkig was daar niks wat paramedici vir die mense in die motor kon doen nie. Hulle is op die toneel dood verklaar.”
Die presiese oorsaak van die ongeluk word ondersoek.
Dis so jammer en hartseer om sulke nuus te lees, dis seker ook jongmense wat laat aand op pad huis toe was. Baie sterkte vir hul familie
Kommentaar op ‘n ander nuusmedia dui daarop dat dit ‘n 60km/h-sone is.
RIV Jacques en Jackie!! Dis verskriklik! Almal gaan julle baie mis!
Sterkte Annette en Sakkie, om twee kinders aan die dood af te staan is so bitter eina!
Ook aan Jacqueline se familie, mag julle almal deur ons Hemelse Vader vertroos word.