Twee dood ná motor teen boom bots

Foto: KZN EMS

Foto: KZN EMS

Twee mans is dood nadat hul motor teen ʼn boom gebots het buite Stanger in KwaZulu-Natal.

Robert Mckenzie, woordvoerder van die provinsiale nooddienste, het gesê die ongeluk het Saterdag omstreeks 01:00 in Glendale, sowat 35 km van Stanger, plaasgevind. Volgens Mckenzie het die motor die pad verlaat voordat dit teen ʼn groot boom gebots het.

Mckenzie het gesê die twee insittendes was reeds dood met paramedici se aankoms op die toneel. Die twee mans was vermoedelik tussen 25 en 30 jaar. Volgens Mckenzie moes brandbestryders van die KwaDukuza-brandweer meganiese toerusting gebruik om die mans se lyke uit die wrak te verwyder.

Die presiese oorsaak van die ongeluk word deur die polisie ondersoek, het Mckenzie gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Riekie ·

Daardie tyd van die oggend dalk n hoë alkoholvlak? Spoed?

Peet Schabort ·

Riekie, ‘n motor se spoed ja maar nie die motor se alkoholvlak. Dis volgens die berig die motor se skuld.

Peet Schabort ·

Die motor het die pad verlaat en die motor het teen ‘n boom gebots.
Ek is net genadig dankbaar dat ek nog nie in so ‘n motor was.
Dit klink soos ‘n steeks perd waaroor jy geen beheer het.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.