Twee dood na motor teen heining bots

(Foto: ER24)

Twee mans is dood en twee beseer nadat die voertuig waarin hulle gery het teen ’n heining gebots het in Ermelo in Mpumalanga.

Die voorval het Saterdag in die vroeë oggendure in President Fouché-straat plaasgevind, het Russel Meiring, woordvoerder van ER24, gesê.

“Paramedici van ER24 het omstreeks 01:40 op die toneel aangekom. Al vier mans is buite die motor aangetref.”

Volgens Meiring het twee van die mans reeds aan hul beserings beswyk en is hulle op die toneel dood verklaar.

“Die twee ander mans het ligte beserings opgedoen. Hulle is op die toneel behandel voor hulle na ’n hospitaal geneem is vir verdere behandeling.”

Die presiese omstandighede van die voorval word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
JohanR

Is toesluiting nie nou van 21h00 tot 06h00?

JM

Wat het hulle daardie tyd van die nag op straat gesoek?

Mieke

Daardie tyd van die aand… Vrydagaand…. dikwels té vinnige spoed. Baie jammer vir die familie van die twee oorledenes.

Nie Verbaas

01:40? Dit lyk my regulasies geld net vir sekere mense? Is hulle toegesluit?

absoluut

Is hulle toegesluit? Wat soek hulle daai tyd van die nag/more op die pad.