Twee dood ná treine trompop bots

Twee mense is Woensdag dood in ʼn trompop botsing tussen twee treine tussen Oos-Londen en King William’s Town in die Oos-Kaap.

Volgens Dynamic-nooddienste is talle mense op die toneel behandel en via ambulanse en helikopters na verskeie hospitale in die omgewing vervoer.

Meganiese toerusting moes gebruik word om passasiers uit die wrak te bevry. Twee mense is op die toneel dood verklaar.

ANA het berig dat vyf mense beseer is in die botsing tussen ʼn Shosholoza Meyl-passasierstrein en ʼn Transnet-goederetrein. Die oorsaak van die ongeluk word ondersoek.