Twee mans is Sondagaand dood en nege ander beseer toe die stasiewa, waarin hulle gery het, ʼn boom op die M3 in Claremont in die Wes-Kaap getref het.
“11 persone was in die voertuig toe die ongeluk plaasgevind het,” het Luyanda Majija, woordvoerder van ER24, in ʼn verklaring gesê. “Twee mans is dood voordat paramedici by die toneel opgedaag het.”
Een persoon het kritieke beserings opgedoen en agt ander persone het matige tot ernstige beserings opgedoen.
Die oorsaak van die ongeluk is nog nie duidelik nie.