Soorte resepte:

Twee geliefde Stellenbosch-restaurante sluit

Meraki was in Reyneveldstraat geleë (Foto: Facebook)

Twee bekende restaurante in Stellenbosch het aangekondig dat hulle te midde van die koronavirus-pandemie nie hul deure langer kan oophou nie.

Die Eikestad is hard getref deur die landwye staat van afsondering, aangesien die dorp grotendeels staatmaak op toeriste wat die dorp en sy omliggende wynlande besoek. Die sluiting van universiteite het ook die restaurante se grootste kliëntebasis, die studente, uit die dorp laat verhuis.

Die bekende koffiewinkel Meraki, wat in Stellenbosch se besige Reyneveldstraat geleë is, het reeds in Mei aangekondig dat sy deure sal sluit.

Die eienaar van Meraki, Corlandi Bezuidenhout, het in ʼn verklaring gesê sy is verpletter oor die besluit om haar winkel te sluit.

“Agt jaar se vasbeslote moeite en pragtige herinneringe, duisende koffies en heerlike ontbyte – in een dag is alles verby. Woorde ontgaan my terwyl ek hierdie skryf,” sê sy.

Corlandi Bezuidenhout (Foto: Facebook)

Bezuidenhout sê sy stry al sowat ʼn jaar lank met haar verhuurder oor verhuringsfooie, toenemende deposito’s en huurvoorwaardes.

“Sy houding oor huurvoorwaardes gedurende inperking was die laaste spyker in ons kis. Ons moes steeds 50% van die huurgeld betaal, al kon ons nie die eiendom gebruik of ʼn onderneming daaruit bedryf nie. Dít terwyl die verhuurder vier maande huur as deposito terughou, wat ons aangebied het om gebruik te kan word.”

Sy sê die universiteitstudente was hul grootste kliëntebasis en sonder hulle is Meraki se hande afgekap.

“Ons het nie die hulpbronne om aan te hou huur betaal sonder ʼn inkomste nie. Ons finansiële reserwes is leeg,” het sy in Mei vanjaar gesê, toe die land in vlak 4 van afsondering was.

Meraki het in 2016 én 2017 Eat Out se toekenning vir die beste koffiewinkel in die Wes-Kaap gewen.

The Trumpet Tree (Foto: Facebook)

ʼn Paar weke ná Meraki se aankondiging het The Trumpet Tree in Dorpstraat ʼn soortgelyke aankondiging gemaak.

“Ná 11 jaar van die beste herinneringe, wat nie in woorde gestel kan word nie, is ons hartseer om aan te kondig dat ons The Trumpet Tree finaal gaan sluit.

“The Trumpet Tree was nie net ʼn restaurant of ʼn kroeg nie. Dit was ʼn plek vir die mense van Stellenbosch om die lewe te vier,” het hulle in ʼn verklaring gesê.

Bezuidenhout het gesê ander restaurante in dié dorp, soos Spur en Tasha’s, het ook reeds dieselfde kommer uitgespreek en voorspel die ondergang van talle ander restaurante.

Honderde mense het op sosiale media hul hartseer oor die twee restaurante se aankondigings uitgespreek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
JohanR

Wit bestuurde besighede, en dit is net twee. Hoeveel gaan nie onder nie in die tydperk. Is dit nie die ANC se plan nie?

MCH

Dit is net wat die ANC wil sien.

Willem

Word wakker dit was en is die plan omwit besighede te sink

Christa

Dit is die Anc se plan Van begin nie covid nie

Alida

Plaas ons terug tot waar ons was voor 27 Maart dan kan die ekonomie herstel maar nou gooi hulle R50 miljoen daagliks weg met die vieslike reels wat ongrondwetlik is. Sal graag wil sien hoeveel kostebevele gaan hulle moet betaal op die end.