Twee gevonnis ná plaasaanval: ‘Ons hoop dit bring vertroosting’

Argieffoto

Argieffoto

Twee berugte huisrowers is vandeesweek tot gesamentlik 40 jaar tronkstraf gevonnis in verband met ʼn plaasaanval verlede jaar op Groot Marico in Noordwes.

Kapt. Paul Ramaloko, polisiewoordvoerder, het Woensdag gesê Thabo Kotsedi (27) en Tshepo Sebaeng (31) is skuldig bevind aan huisroof ná ʼn aanval op Colin en Maggie Cooper op 12 Augustus 2014 op hul plaas Modderfontein.

Maroela Media het verlede jaar berig die Cooper-egpaar, albei in hul 60’s, is die Maandag tussen 18:00 en 19:00 oorval. Kotsedi en Sebaeng het Colin buite die huis ingewag. Colin was vir sake in Johannesburg en het pas by die huis aangekom toe hy oorval is.

Maggie was alleen in die huis. Die aanvallers was met messe gewapen en het Colin in die huis in gedwing, waarna hulle die egpaar vasgebind en erg aangerand het. Hulle het tydens die aanval  hulself aan die afgetrede egpaar se aandete gehelp.

Die verdagtes het waardevolle huisware gesteel en in die egpaar se motor van die toneel gevlug. Hul voertuig is omstreeks 00:00 verlate naby Zeerust opgespoor. Maggie kon eers die volgende dag daarin slaag om haarself te bevry, waarna sy hulp ontbied het. Albei is beseer en na ʼn hospitaal geneem vir behandeling.

Sebaeng is ʼn paar uur ná die aanval in hegtenis geneem. Sy inhegtenisneming het gelei tot die inhegtenisneming van Kotsedi ʼn paar dae later in Swartruggens.

Genl.maj. Jacob Tsumane, die waarnemende provinsiale polisiekommissaris, het die Groot Marico-polisie geluk gewens met die skuldigbevinding en vonnis. “Ons hoop die vonnis bring vertroosting aan die slagoffers,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Peet Schabort

Toegegee dis ‘n goeie straf MAAR dit moes eintlik nie gebeur het. Met ‘n slap regering is dit egter te wagte. Die grondwet is ‘n ding wat net papier mors.

Dee

En die meisie en haar kêrel wat haar ma vermoor het se vonnisse is gesamentlik nie eens 30 jaar.

Fred

Hoog tyd dat ons begin aanvalle doen,inbreek en dood skiet.mens kan net geweld met geweld bestry

tamboti

Fred het gese ons moet begin doen soos ander aan ons doen, m.b.t. moord , brand en steel. Dit
oortree MM se beleid. Ons mense word nou gedwing om so op te tree, want wettige hulp is daar nie vir ons nie.

tamboti

Fred het gese ons moet begin doen soos ander aan ons doen, m.b.t. moord , brand en steel. Dit
oortree MM se beleid. Ons mense word nou gedwing om so op te tree, want wettige hulp is daar nie vir ons nie. self help