Armand Wagner. Foto: Facebook.
Twee mans is in die Noordwes-hooggeregshof gevonnis in verband met die moord op konstabel Armand Wagner in Februarie 2018.
Lt.kol. Amanda Funani, woordvoerder van die polisie, het gesê Lincoln Myengwa Mabika (26) en Sifiso Bongani Ncala (27) is Vrydag tot lewenslange tronkstraf gevonnis.
Die twee is op 6 Februarie 2018 in hegtenis geneem in verband met die moord en roof op die 23-jarige Wagner. Hy was by Klerksdorp-misdaadintelligensie gestasioneer. Hy was die aand van 5 Februarie 2018 tuis toe een van die beskuldigdes, vermoedelik ʼn vriend van hom, hom gebel het.
“Die konstabel is na buite om met Mabika en Ncala te gesels. Hulle het daarna ʼn selfoon en geld van Wagner geëis, maar hy het geweier om dit vir hulle te gee,” het Funani verduidelik. Tydens die hofverrigtinge het dit aan die lig gekom Wagner is in daardie stadium aangeval en hy is verskeie kere met ʼn mes gesteek. Sy liggaam is langs die pad in Klerksdorp gevind.
Die beskuldigdes is die volgende dag in Alexandra gevind waarheen hulle met Wagner se Volkswagen Polo gevlug het. Hulle is na Klerksdorp teruggeneem en is sedert hul inhegtenisneming in aanhouding.
Die beskuldigdes is elk ook ʼn bykomende 15 jaar tronkstraf opgelê op aanklag van roof.
Lees alle vorige berigte oor Armand Wagner op Maroela Media.
Pragtige jong seun. Verkeerde vriende.
Wat n siek spul. Hoe gewetenloos!
SOMS…het mens net nié woorde, oor dié onmenslike demoniese wreedheid, wat aangaan in ons mooi sonskynland nie…!!!
Baie sterkte aan Armand se familie
Goeie vriende wat die polisieman gehad het ek wonder net waaroor die vergadering gegaan het so na ure ???
Dalk was hy besig om “goeie vriend/e” te ondersoek en te na aan die waarheid gekom.
Wat ‘n Pragtige seun . . . Mag jy in vrede rus!
So hartseer. Hy ken hulle, hy vertrou hulle en dit is wat hulle met hom doen. Ek sal dit nooit verstaan nie. Hierdie land se mense sal NOOIT OOIT kan saamwerk nie. Kulture verskil te veel.