Twee gevonnis vir Dullstroom-plaasmoord

Sarel Janse van Rensburg. Foto: Twitter

Sarel Janse van Rensburg. Foto: Twitter

Die twee mans wat skuldig bevind is aan die wrede moord op Sarel Janse van Rensburg (75), in September verlede jaar op ʼn plaas naby Dullstroom in Mpumalanga, is Donderdag gevonnis.

Kol. Ronel Otto, woordvoerder van die polisie, het gesê Papiki Mokwena (22) en Ernst Mtombeni (23) is albei in die Middelburg-landdroshof tot lewenslange tronkstraf gevonnis vir moord. “Hulle is ook tot 15 jaar tronkstraf gevonnis vir gewapende roof, drie jaar vir die onwettige besit van ʼn vuurwapen en 18 maande vir die onwettige besit van ammunisie,” het Otto gesê.

Maroela Media het vroeër berig Janse van Rensburg het as plaasbestuurder op die plaas Froggy Pond in die Tonteldoos-omgewing gewerk. Werkers het die oggend van 18 September in die badkamer op sy liggaam afgekom. Hy is met ʼn mes in die bors gesteek en in die kop geskiet. Claudine van Wyk, Janse van Rensburg se dogter, het destyds gesê haar pa was erg vermink.

Ian Cameron, hoof van gemeenskapsveiligheid by AfriForum, het die vonnis verwelkom en gesê geregtigheid het geskied. “Dit bewys dat wanneer die polisie en die Nasionale Vervolgingsgesag saamwerk, geregtigheid sal seëvier.”

Lees alle berigte op Maroela Media oor Sarel Janse van Rensburg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

anet ·

Ek is verheug om te hoor van die lewenslank vonnise vir hierdie twee moordenaars, en mag hierdie lewenslank vonnise in die toekoms die norm word in Suid-Afrika. Sterkte aan die familie, ek is saam met julle bly oor hierdie vonnis

Theresa ·

Net die doodstraf sal die gewensde uitwerking hê op diè twee. So sit hulle en die belastingbetaler sorg vir hulle “hotel” verblyf en Sarel sal nooit weer kan terugkom nie. ‘n Oog vir ‘n oog………………..of hoe ??!!

Theresa ·

Die twee uitvaagsels lyk baie ouer as vroeg 20’s op foto. Hul sal wel hul dag nou kry – al is dit net om te weet hul is uitgevang.

Sonja ·

Dis dalk n vetroosting maar ni genoeg straf vir di 2 gemorse ni

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.