Twee gevonnis vir moord op Winnie Rust

Winnie Rust.

ʼn Man en sy oom is Woensdag in die Wes-Kaapse hooggeregshof gevonnis vir die moord op die bekende skrywer Winnie Rust (77).

EWN berig regter Elize Steyn het Nigel Plaatjies en sy oom, Johannes Plaatjies, tot lewenslange tronkstraf gevonnis.

Die twee is in Desember skuldig bevind op aanklagte van moord, roof, poging tot brandstigting, diefstal en vier aanklagte van bedrog.

Nigel is finansieel en moreel deur Rust ondersteun. Sy sou vir sy tersiêre opleiding betaal en wou hom met ʼn beter toekoms help.

Maroela Media het vroeër berig Rust, wat vir bykans 60 jaar in Wellington gewoon het, se liggaam is op 11 Mei 2016 deur haar man, dr. Manie Rust, in hul huis in Uitsig gevind. Haar hande en voete was vasgebind en sy het beserings aan haar gesig gehad. Nigel en Johannes het ook ʼn kers langs ʼn oop gasstoof in die huis gelaat in ʼn poging om die huis af te brand.

Rust was internasionaal bekend vir haar skryfwerk. Sy is in 2005 vir die Jan Rabie-Rapport-prys benoem vir haar boek Martha – ʼn Verhaal oor Martha Solomons, Countess of Stamford. Rust het benewens haar man ook drie dogters, ʼn seun en ses kleinkinders agtergelaat.

Winnie Nel, een van Rust se dogters, het destyds aan Maroela Media gesê haar ma was ʼn formidabele vrou wat die gemeenskap met haar talente gedien het. “Sy het na mense geluister en hulle vereer deur hul verhale neer te skryf. Sy was vriende met almal. Sy was mev. Wellington, ʼn absolute besonderse vrou. Sy het so reg geleef en so verkeerd gesterf.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Genieve

Ek kon nie glo dat Nigel so dom was nie jinne as n mens lees hoe goed die vrou vir hom was en wat sy alles vir hom beteken het dan gaan dit my verstand tebowe.

wraggies

Dis wat jy in hierdie land kry as jy sekere mense probeer help.

Henneman

Ai,nou dat die finansiele fonteintjie opgedroog het van n mens wat baie werd was vir ons samelewing,en sinloos vermoor is,moet ons geldjies wat die staat van ons kry,hom verder voed en klee.

Yster

En hulle kan bly wees die doodstraf is af. Anders het hulle seker gehang.

Pop

Wraggies, dis presies soos jy se. Daai soort mak hond byt die seerste