Twee gevonnis vir wrede dubbelmoord in Memel

Van links is Viv Viviers, Thea du Plooy, Eric Oosthuizen en Charlotte Viviers. Die foto is in 2008 geneem. Foto: Verskaf

Van links is Viv Viviers, Thea du Plooy, Eric Oosthuizen en Charlotte Viviers. Die foto is in 2008 geneem. Foto: Verskaf

Die moordenaars van Eric Oosthuizen (82) en Charlotte Viviers (78) is elk twee keer lewenslange tronkstraf opgelê vir die dubbelmoord wat die Vrystaatse dorpie Memel geruk het.

Phaladi Shuping, woordvoerder van die Nasionale Vervolgingsgesag (NVG), het gesê regter Jake Moloi het Sabelo Mlungisi Xaba (27) en Patrick Simphiwe Mofokeng (23) tot ʼn bykomende 15 jaar tronkstraf gevonnis vir roof met verswarende omstandighede, 15 jaar vir die besit van ʼn ongelisensieerde vuurwapen en vyf jaar vir die onwettige besit van ammunisie.

Xaba en Mofokeng het op 20 Oktober 2015 van Newcastle na Memel gery en omstreeks 18:00 by Charlotte en haar man, Viv, se huis ingebreek. Charlotte en Oosthuizen, ʼn familielid, was alleen tuis. Xaba en Mofokeng het hulle vasgebind en hul monde en neuse bedek. Oosthuizen en Charlotte het versmoor. Charlotte is ook erg gemartel om die kluis se sleutels te gee.

Viv het omstreeks 18:15 by die huis gekom. Hy is ook vasgebind en aangerand. Die huishulp het Woensdagoggend op die gru-toneel afgekom toe sy vir werk aangemeld het. Viv het die wrede aanval oorleef en is vir mediese behandeling geneem.

“Hulle het hom met messe in sy bene gesteek en met plastiek op sy maag gebrand. Hy het ook erge kneusplekke opgedoen soos hulle hom op en af in die huis gesleep het,” het Thea du Plooy, ʼn familievriend, destyds aan Maroela Media gesê.

Xaba en Mofokeng het met R45 000 se kontant en vier vuurwapens in Viv se bakkie gevlug. Hy is op 25 Oktober 2015 in hegtenis geneem. Mofokeng is eers in September vanjaar aangekeer.

Xaba het tydens die verhoor aangevoer hulle het beplan het om by die huis in te breek. Hy het gesê Mofokeng is in die huis in terwyl hy buite gewag het. Mofokeng het egter aangevoer albei van hulle is die huis in.

Die staatsaanklaer, adv. Moseme Lecoe, het die swaarste straf vir Xaba en Mofekeng gevra, aangesien hulle die aanval beplan het en geen genade aan hul slagoffers betoon het nie. “Selfs nadat hulle die geld gesteel het, was hulle nie tevrede nie en het hulle Eric en Charlotte laat versmoor. Net lewenslange tronkstraf is ʼn gepaste vonnis,” het hy aangevoer.

Die NVG het die vonnis verwelkom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Johann

Kommaan lafaard Malema en jou gespuis gevolg….EK DAAG JOU UIT!!!!! Lewer kommentaar soos jy en jou walglikheids navolgers kommentaar lewer op TWEE BLANKE MANS wat EEN swart man traumatiseer…..of is dit presies die tipe wreedheid wat jy aanspoor? Om nie te praat van die DA wie se leier niente lank gevat het om sy ware “kleure” te wys nie!!!!! Geen mens…GEEN MENS doen dit en mag dan die reg toeien om n mens genoem te word nie!

Henriette

Dis omdat Suid-Afrika lyk soos dit lyk, net een oplossing daarvoor stel die doodstraf terug in.
Al genade as mens nie wil luister nie moet jy die gevolge dra.

Sê maar net

‘n mens het net een lewe, wat help dit hulle vonnis jou 2 of 3 lewenslange vonnisse. Lewenslank is 25 jaar en na 15 kan hulle alweer parool kry. Vonnisse moet nie samelopend gegee word nie maar moet apart gedien word. Ten minste 50 jaar sit sonder parool.

tom

Nou wat se die klomp groot bekke nou wat kommentaar gehad oor die doodskis geval ?

JJ

En die menseregte kommissie skreeu grafstil. Ek het nou gesien wat die ware kleure van die DA is.