Twee gevonnis wat kind ontvoer, vier jaar lank aanhou

Argieffoto

Argieffoto

ʼn Vrou en haar dogter is Dinsdag in die Durban-landdroshof gevonnis nadat hulle ʼn kind ontvoer en byna vier jaar lank aangehou het sodat hulle ʼn maatskaplike toelaag kon ontvang.

Kol. Jay Naicker, woordvoerder van die polisie, het gesê die 50-jarige ma en haar 24-jarige dogter is albei skuldig bevind aan ontvoering en bedrog.

Die twee het in Februarie 2010 ʼn 7-jarige meisie by die Durban-treinstasie ontvoer terwyl sy op pad was huis toe na skool. “Hulle het vir die kind gesê haar ma het hulle gestuur, omdat die ma Johannesburg toe moes gaan,” het Naicker gesê. “Hulle het die kind by hul huis in Folweni aangehou. Die kind se van is verander en die ma het vir ʼn nuwe geboortesertifikaat by die departement van binnelandse sake aansoek gedoen, sodat sy ʼn maatskaplike toelaag kon eis.”

Die saak is deur die Durbanse eenheid vir gesinsgeweld, kinderbeskerming en seksuele misdrywe oorgeneem en die kind is op 29 November 2013 weer gevind. Sy is tans 12 jaar oud.

“Die vrou is tot agt jaar tronkstraf vir ontvoering en ses jaar vir bedrog gevonnis. Haar dogter is 14 jaar tronkstraf vir ontvoering en ses jaar vir bedrog opgelê. Die vonnisse sal samelopend uitgedien word,” het Naicker gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

7 Kommentare

Sanet ·

Dit is regtig vreeslik. Hoe kan ‘n mens ‘n ander se lewe so omkrap. Arme meisietjie. Ek bid dat God haar pad vorentoe net sal seën.

Florence ·

Ek hoop die kind is met haar familie herenig. Dit is so wreed wat hulle aan haar gedoen het.

Eish! ·

Hoeveel geld kan ‘n mens nou uit dit verdien? Rerig kanie glo dat iemand so iets doen nie. Kan mos nie winsgewend wees nie. Nog ‘n persoon om voor te sorg. Bly daar ooit iets oor vir hulself? Of was die kind dalk nog verwaarloos ook en ondervoed dalk? Die 2 vrouens is siek!

Joan ·

Hulle straf is heeltemal te lig! 25 jaar klink vir my bietjie beter.

Theresa ·

Daar moet glad nie so iets bestaan dat ‘n mens geld van die regering kry as jy ‘n kind kry nie. “Kry” beteken nie vir almal dieselfde nie.

pop ·

As ek dit nie mis het nie is dit sowat R350 vir n kind. As dit vir hulle die moeite werd is om n kind onwettig aan te hou wil ek nie eers weet in watter haglike omstandighede die kind was nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.