Twee mans het Maandag in die landdroshof in Pofadder in die Noord-Kaap verskyn in verband met die moord op Leon Brits.
Jacques van Vuuren (34) en Enrich Williams (37) het vlugtig in die hof verskyn en die saak is tot 26 Oktober vir ʼn borgtogaansoek uitgestel, het brig. Mohale Ramatseba, polisiewoordvoerder, gesê.
Brits, eienaar van die gewilde Pofadder-hotel, is op 7 Oktober vanjaar dood in die swembad van sy huis op dié dorp gevind.
Hy is vermoedelik verwurg en met ʼn skerp voorwerp gesteek voordat sy liggaam in die onderdakswembad agtergelaat is.
ʼn Gesamentlike taakspan van provinsiale georganiseerde misdaad, die direktoraat van prioriteitsmisdaadondersoeke, en speurders van Pofadder en Springbok onder leiding van brig. Dick de Waal het die twee verdagtes Vrydag in hegtenis geneem.
Williams is in Piketberg in die Wes-Kaap aangekeer en Van Vuuren is in Kathu in hegtenis geneem.
Die polisie se ondersoek duur voort.
Dis so tragies, ek hoop sy familie vind berusting. Die hoeveelheid moorde die laaste ruk is net skokkend.
Welgedaan SAPD!
Dalk ken sy hulle, dis n klein dorpie. Dit beteken nie automaties dat sy hulle gehuur het om haar man te vermoor nie. Good grief…skud maar net my kop.
Regtig jammerte
Hier is n slang in gras ek riuk n rot huur moord moet baie geld miskien he
Iets is nie lekker nie, beslis nie ‘n gewone plaasmoord nie, net my opinie.
Motief?