Twee in hof ná nagklub-moord

Carl Schoombie

Carl Schoombie

Brent Henry en Juane Jacobs verskyn Vrydag in die Wes-Kaapse hooggeregshof in verband met die moord op Carl Schoombie.

Schoombie het op 21 November saam met vriende by ʼn nagklub in Claremont in Kaapstad gekuier toe ʼn geveg uitgebreek het. Hy was egter nie daarby betrokke nie en het die klub in ʼn taxi verlaat.

Die taxi is in die rigting van Rondebosch deur ʼn ander voertuig, met twee mans daarin, glo Henry en Jacobs, van die pad af gedruk. Die twee het Schoombie en sy vriende glo daarvan beskuldig dat hulle die geveg begin het. Schoombie en sy vriende het glo herhaaldelik gesê hulle was nie betrokke nie, maar is nogtans erg aangerand.

Schoombie is met ernstige kopbeserings in ʼn hospitaal opgeneem waar hy ʼn paar dae later dood is.

Henry is kort ná die moord in hegtenis geneem terwyl Jacobs in Februarie in Johannesburg in hegtenis geneem. Die twee het op 16 September in die hof verskyn. Henry is vroeër op borgtog van R1 000 vrygelaat. Jacobs het sy borgtogaansoek laat vaar.

Lees alle vorige berigte oor Carl Schoombie op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
Denise

So die twee mans was uit en uit daarop om iemand seer te maak dit is tragies dat n jong man moes boet met sy lewe wat is fout met die mense wat kry hulle daaruit om ander leed aan te doen??? Sterkte aan die familie !!!!

Denise

Is dit nie tragies dat n mens deesdae meer lees hoe mense doodgemaak word onodig as wat jy lees van mense wat n natuurlike dood sterf ek het nie woorde nie ek is net baie hatrseer dit is asof die duiwel loshande wen en elke oomblik van dit geniet!!!! Sterkte aan Carl Scoombie se gesin!!!

Rene Labuschagne

Afrikaner Volk om op trots te wees

Johanna

R1000.00 borgtog vir n moord! Nou toe nou. n onskuldige jongman is doodgeslaan! Hoe werk die stelsel?

Petrie

Mense moet plekke waar drank en dwelms vloei vermy. Daar broei altyd onheil uit. Doen bybelstudie in jou kamer. Die samelewing gaan nog baie geweldadiger en goddeloser word, maar die wat geestelik reg eet en drink, en nie aan die tafel saam dronkaards sit nie, kan en sal staande bly.