Twee in hof oor doodskis-video

'n Skermskoot uit die video.

‘n Skermskoot uit die video.

Die twee mans wat afgeneem is nadat hulle na bewering ʼn ander man in ʼn doodskis in gedwing en onder meer gedreig het om ʼn slang saam met hom in die kis te sit, sal Woensdag in die Middelburg-landdroshof verskyn.

Kapt. Khanyisile Zwane, woordvoerder van die polisie, het aan Maroela Media bevestig dat Willem Oosthuizen (28) en Theo Martins Jackson (29) in verband met die voorval in hegtenis geneem is. Oosthuizen en Jackson het Maandag in die Blinkpan-landdroshof verskyn op aanklagte van ontvoering en aanranding met die doel om ernstig te beseer.

Die saak is tot Woensdag uitgestel en hulle is tans in polisieaanhouding.

ʼn Video van die voorval is onlangs op sosiale media versprei, maar dit is nie duidelik wanneer die voorval plaasgevind het nie. Op die video kan gesien word hoe ʼn man huil terwyl hy deur twee ander mans in ʼn doodskis ingedwing word. Daar kan in die agtergrond gehoor word hoe ʼn manstem sê: “Kom nou, ons wil die petrol gooi, man. Klim in!”

Die EFF het Dinsdag in ʼn verklaring die man in die kis as Victor Rethabile Mlotshwa geïdentifiseer. Volgens die party het die voorval op ʼn plaas naby die Komati-kragstasie plaasgevind.

“Hierdie wit rassiste het ʼn video gemaak en dit op sosiale media geplaas vir hul eie vermaak nadat hulle mnr. Mlotshwa verneder het. Hierdie vernedering kan op niks anders as [Mlotshwa se] swartheid gegrond wees nie, wat beteken dit is eintlik die vernedering van swart mense in geheel,” het Mbuyiseni Quintin Ndlozi, woordvoerder van die EFF, gesê.

Ndlozi het gesê die EFF-leierskap sal Woensdag se hofverrigtinge bywoon.

https://youtu.be/ioZAv5s6UPc

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

161 Kommentare

jongste oudste gewildste
Kiepie

Ja nee, party mense leer maar net nie. As jy nie wil hoor nie moet jy voel.

Ekwilibrium

Presies wat ons nou nodig het, né menere??

Henk

Hoe “stupid” kan jy wees

Maryna

En dis presies optrede soos die wat maak dat daar soveel haat tussen verskillende rasse is! Ons gaan nooit voor kom nie. Ag nee sies man!

Karien

Ja sulke dinge help ons wit mense nou baie, hoor! Wow! “well done”
Heel onnodig as jy my vra.